MARKA 12:24 - Pathien Lekhabu Inthieng (BSI)

²⁴ Isûn an kuomah, “Hi lei hin a nih in ngai suol rawp hlak, Pathien Lekha Thu le Pathien thil thaw theizie in hriet naw leiin.

MARKA 12:24 ပူးပေါင်းရင်းမြစ်များ

INṬANNA 18:14

LALPA ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

ISAI 25:8

Thina chu a lem sawng tah; Lalpa PATHIEN chun mi po po hmaia inthawk chu mitthlihai chu hrufai a tih; a mihai hming sietna chu leihnuoi po po chunga inthawk hin la hmang a tih; LALPAIN chu chu a hril ta sih a.

ISAI 26:19

I mithihai chu hring nâwk an ta, an ruonghai chu tho nâwk an tih. Pilvuta umhai, har unla, hlimtakin hla sak ro, i daidâw chu thlaihai daidâw ang a na, hnuoi hin mithihai chu a pei suok ding a ni sih a,” ti hi.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

JEREMIA 32:17

‘Aw LALPA Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um nawh a;

DANIEL 12:2

Chun, mi tamtak hnuoi pilvuta lo in tahai chu tho an ta, aṭhen chu chatuona hringna changin, aṭhen ruok chu chatuona thiemnaw le inzakna changin.

HOSEA 13:14

Seol kuta inthawkin anni chu intlan ka ta, Thinaa inthawkin anni chu sansuok ka tih; Aw thina, i hripuihai chu khâwlai am? Aw Seol, i suksietna chu khâwlai am? Simna chu ka mita inthawkin thup nîng a tih.

HOSEA 6:2

Ni hni chenah mi sukhring a ta, Ni thum nia chun mi keitho a ta, a hmaah um ei tih.

HOSEA 6:6

Inthâwina dit loin lunginsietna ka dit sih a; Pumrawhmang thilinhlân nêk chun Pathien hrietna ka dit lem a nih.

HOSEA 8:12

Ka dân chu ka ziekpêk rei rui a, Nisienlakhawm, thil dang takah an ngai a nih.

MATTHAI 22:29

Isûn a dawn a, an kuomah, “Pathien Lekha thu le, Pathien thil- thawtheina in hriet naw leiin in ngai suol hlak a nih.

MARKA 10:27

Isûn anni chu a en a, “Chu chu mihriem ta dingin thaw ruol a ni nawh a, Pathien ta ding ruok chun thaw ruol lo a ni nawh; Pathien ta dingin iengkim thaw thei a ni sih a,” a ta.

MARKA 12:23

Thonâwk phaleh a tu tak nuhmei am nîng a ta? An pasari chun nuhmeiin an nei seng sih a,” tiin an indawn a.

MARKA 12:25

Mithi laia an tho nâwk hnungin nuhmei pasal innei ta naw nihai a, vâna vântirkohai ang an ni lem ta ding a nih.

LUKA 1:37

Pathien ta ding chun thaw thei naw iengkhawm a um si nawh a,” a ta.

JOHAN 20:9

Mithi laia inthawkin a thonâwk ding a ni ti Pathien Lekha Thu kha an la hriet si nawh a.

JOHAN 5:39

Pathien Lekha in tiem ngun hlak a, a sûnga chatuona hringna um dinga in ring leiin; chuong Lekha chu ka chanchin inhriettirna chu a ni sih a.

THILTHAWHAI 17:11

Chutaka mihai chu Thes- salonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:4

Pathien Lekha thua tuorselna le lungmuongna hmua beiseina ei nei theina dingin, inhmaa ziekhai ta- phawt chu eini inchûktirna dinga ziek an ni sih a.

EPHESI 1:19

ama kona beiseina dâm, mi inthienghaia chun a ro hluo ding ropui hauzie dâm, a thahrui hrâtna thaw zie ang peia, keini a ringtuhai tienga a thilthawtheina inkhi ruolloa lien Krista chunga a thaw —

PHILIPPI 3:21

Ama chun a sinthawin iengkim khawm ama thu thuin ân umtir thei, chu thawzie ang pei chun ei tlâwmlai taksa hi, ama taksa ropui anga um dingin siem ṭha nâwk a tih.