MARKA 11:18 - Pathien Lekhabu Inthieng (BSI)

¹⁸ Chun, thiempu lalhai le Dân in- chûktirtuhai chun chu chu an hriet a, a sukbo theina ding zie an zawng a. Mipuihai po po chun a închûktirna chu mak an ti hle leiin ama an ṭi bawk si.

MARKA 11:18 ပူးပေါင်းရင်းမြစ်များ

1 LALHAI 21:20

Chun, Ahab chun Elija kuomah, “I mi hung hmu ta maw, ka hmêl- mapa?” a ta. Chun, ama chun a dawn a, “Ka hmu ta che a ni hi, LALPA mithmua thil ṭha naw thaw dingin inzawr ta che chu.

1 LALHAI 22:18

Chun, Israel lal chun Jeho- saphat kuomah, “Ka chungchâng thu hi a se tieng ngawt naw chu a ṭha tieng hrim hrim chu hril naw ni ti ka hril che a ni naw am a ni kha?” a ta.

1 LALHAI 22:8

Chun, Israel lal chun Jehosaphat kuoma chun, “LALPA mi râwnpêk ding Imla naupa Mikaia kha chu a la um kha maw, nisienlakhawm, ama hi chu ka theida zâwngtak a nih; ka chungchâng thu hi a se tieng ngawt naw chu a ṭha tieng a hril hrim hrim ngai nawh,” a ta. Chun, Jehosaphat chun, “Lal hin chuong ang chun chu ti naw raw se khai,” a ta.

ISAI 49:7

LALPA Israelhai intlantu le an Mi Inthieng chun, nasataka hmusita um le hnamhai iten, rorêltuhai sie- hlaw kuoma chun hieng ang hin a hril, “LALPA ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

MATTHAI 21:15

Nisienlakhawm, thiempu lalhai le Dân inchûktirtuhai chun a thilmak thawhai le, biekina, “David naupa kuomah Hosanna” tia, naupang khêkhai chu an hmuin, an lungninaw bêk bêk a,

MATTHAI 7:28

Chun, Isûn chuong thil chu a hril zo phingleh, mipuihaiin a thu inchûk tir chu mak an ti hleh a;

MARKA 1:22

A thu inchûktir chu mak an ti hle a, Dân inchûktirtuhai ang loa, thuneina nei taka anni ân chûktir leiin.

MARKA 11:32

‘Mihriem thu,’ ei ti el ding am a ni chu?” an ta. Nisienlakhawm, mipui chu an ṭih a, mi po poin Johan chu zâwlnei takin an ngai tâwl sih a.

MARKA 12:12

Chun, ama chu man an tum tah a, nisienlakhawm, mipui an ṭi sih a, chu tekhithu chu anni demin a hril a nih ti an hriet sih a. Chuongchun, ama chu an mâksan a, an fe hmang tah a.

MARKA 3:6

Chun, Pharisaihai chu an suok a, ama an sukhlum theinazie ding ngaituoin Herod pâwla mihai le chun an inrâwn nghâl tah a.

MARKA 6:20

Herodin Johan chu mi fel le mi inthiengtak a nih ti a hriet leiin ama chu a ṭih a, a hum tlat sih a, a thu a ngai chun a lunginzîng hle hlak a: nisienlakhawm, lâwm takin a ngai hlak a.

LUKA 19:47

Chun, ni tin Pathien biekina chun ân chûktir hlak a. Chun, thiempu lalhai le Dân inchûktirtuhai leh, vântlâng laia hotu deuhaiin, ama sukbohmang an tum a;

LUKA 2:47

Chun, a thu hre taphawt chun a hrietzie le a dawnzie chu mak an ti hleh a.

LUKA 20:19

Chun, chuong lai tak chun Dân inchûktirtuhai le thiempu lalhaiin man an tum a; nisienlakhawm, mipui chu an ṭih a; chu tekhithu chu anni demin a hril ti an hriet sih a.

LUKA 4:22

Chun, an rêngin ama an inpâk a, a bausuok lunginsietna thu dâm chu mak an ti hleh a. “Hi pa hi Josef naupa a ni naw am a nih?” an ta.

JOHAN 7:1

Chu zoa chun Isûn Galili ram a fang a, Judahaiin ama sukhlum an tum leiin Judai ram chu a fang nuom nawh a.

JOHAN 7:19

Mosiein Dân chu a pêk naw cheu am a nih? Nisienlakhawm, nangni lai tukhawmin Dân chu in hraw si nawh. Nangnîn iengdinga mi sukhlum in tum am?” a ta.

JOHAN 7:46

Manmihai chun, “Hi mipa thuhril ang hrim hin tukhawmin thu an hril ngai nawh,” an ta, an dawn a.

THILTHAWHAI 24:25

Paula chun, felna thu dâm, insûm thu dâm, ro a la rêl ding thu dâm ṭhahnemngaitaka a hril laiin Felik chun ṭium a ti bêk a, “Fe nâwk phawt ta rawh, hun remchâng ka nei pha ko ka ti che,” a ta.