MARKA 10:52 - Pathien Lekhabu Inthieng (BSI)

⁵² Chun, Isûn, “Fe ta rawh, i ring- na hi i dampui a nih,” a ta. Chuongchun, a hmu thei nghâl tah a, lampuia chun Isu a zui tah a.

MARKA 10:52 ပူးပေါင်းရင်းမြစ်များ

INPÂKNA HLABU 146:8

LALPA chun mitdelhai mit a sukvar hlak a, LALPA chun kûn ngâwi ngâwi hai chu a keitho hlak a; LALPA chun mi felhai chu a hmangai hlak.

INPÂKNA HLABU 33:9

Ama chun a hril a, a hung um tah a, Thu a pêk a, a hung det ta sih a.

ISAI 35:5

Chu pha chun mitdelhai mit chu sukmengin um a ta, nasêthai na chu sukvarin um a tih.

MATTHAI 11:5

mitdelhai an mit a lo var tah, kebaihai kein an lâwn tah, phârhai an lo inthieng tah, nasêthai an na a lo var tah, mithihai keithoin an um tah, pasiehaiin Chanchin Ṭha thu hril an dawng tah.

MATTHAI 12:22

Chu lai chun, mitdel ṭawng- theinaw khawhri iman pakhat a kuomah an hung ṭhuoi a; chun, ama chun a lo sukdam a, chuongchun, ṭawngtheinaw chu a hung ṭawng theiin, a hung hmu thei tah a.

MATTHAI 15:28

Chu phingleh Isûn a kuomah, “Nuhmei, i ringna a nasa êm el; i dit ang takin i chungah um raw se,” a ta, a dawn a. Chuongchun, a naunu chu, chu chena chun a hung dam el tah a.

MATTHAI 21:14

Chun, Pathien biekina chun mitdelhai le kebaihai a kuomah an hung a, anni a sukdam a.

MATTHAI 8:3

Isûn a hang ban a, a them a, “Ka nuom ie, lo inthieng ta rawh,” a ta, kâr loin a phâr chu a lo inthieng nghâl tah a.

MATTHAI 9:22

Chun, Isu a nghah a, ama chu a hmuh a, “Ka naunu, lungmuongtakin um rawh, i ringna hi i dampui a nih,” a ta. Chuongchun, nuhmei chu chu dâr chena chun a hung dam tah a.

MARKA 1:31

chun, ama chun, a kut a va chel a, a keitho tah a. Chuongchun, a khawsik chu a bo tah a, an rawng a bâwlpêk tah a.

MARKA 5:34

Chun, ama chun a kuomah, “Ka naunu, i ringna hi i dampui a nih, lungmuongtakin fe la, i natna chu lo dam sawng ta raw se,” a ta.

MARKA 8:25

Chun, a mita chun a kut ân nghat nawk a, chuongchun, ama chun a en zing a, a hung dam el tah a, iengkim chiengtakin a hmu thei tah a.

LUKA 7:50

Chun, ama chun nuhmei kuoma chun, “I ringna hi sandam I ni pha a nih, thlamuongtakin fe rawh,” a ta.

LUKA 9:48

an kuomah, “Tûkhawm, ka hming leia hi naupangte lâwm taphawt chu kei a mi lâwm ning a ta, tukhawm kei mi lâwm chu a mi tirtu lâwm nîng a tih, nangni laia chîntak hi a nih a ropui chu,” a ta.

JOHAN 9:32

Khawvêl insieng tira inthawk tukhawmin mitdel saa pieng mit an sukvar nâwk ti an hriet ngai nawh.

JOHAN 9:39

Chun, Isûn, “Rorêl dinga hi khawvêla hin hung ka nih, mitdelhai chu an mit a hung varna ding le, mitvarhai chu an mit a hung indelna dingin,” a ta.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.