MARKA 10:22 - Pathien Lekhabu Inthieng (BSI)

²² Nisienlakhawm, chuong thu lei chun a hmêl chu a hung inthim khup el a, lungzîngtakin a fe hmang tah a, sum tamtak nei mi a ni sih a.

MARKA 10:22 ပူးပေါင်းရင်းမြစ်များ

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si loin; an bau chun nasatakin hmangaina an inlangtir a, amiruok- chu, an lungrilhai chun an hlâwkna chu a hnawt sih a.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra loin a um hlak.

MATTHAI 19:22

Tlangvâl ruok chun chuong thu chu a hrietin lungngaitakin a fe hmang tah a; sum tamtak nei a ni leiin.

MATTHAI 27:3

Chun, Juda ân mantîrtu khan Isu thiemnaw an inchangtir ti a hriet phingleh ân sîr a; tangka sâwmthum kha thiempu lalhai kuoma chun a hung chawi nâwk a,

MARKA 10:21

Chun, Isûn ama chu a en a, a hmangai tah a, a kuomah, “Kawng khat i la bâk, fe la, i nei taphawt zawr la, pasiehai kuomah pe rawh, chuongchun, vânah ro nei i tih; chun, hung la mi hung zui rawh,” a ta.

MARKA 10:23

Chun, Isûn a en vêl a, a închûk- tirhai kuoma chun, “Sumhauhai chu Pathien rama lût a vân tak âwm deh e,” a ta.

MARKA 6:20

Herodin Johan chu mi fel le mi inthiengtak a nih ti a hriet leiin ama chu a ṭih a, a hum tlat sih a, a thu a ngai chun a lunginzîng hle hlak a: nisienlakhawm, lâwm takin a ngai hlak a.

MARKA 6:26

Chun, lal chu a lungngai ta bêk bêk el a; nisienlakhawm, ân khâm- nahai le a thlaithlêng awtpuituhai lei chun a sêl nuom nawh a.

LUKA 12:15

Chun, an kuomah, “Fimkhur unla, inhnarna hrim hrima inthawk chun invêng ro, sum hau hi mihriem dam san a ni nawh,” a ta.

LUKA 18:23

Ama ruok chu chuong thu chu a hrietin a lungngai bêk bêk a, a hausak bêk leiin.

2 KORINTH 7:10

Pathien dit zâwng anga lung- ngaina chun, sandamna dingin, insîrna um ta lo simna chu a siem si hlak a; khawvêl lungngaina ruok chun thina a siem lem hlak.

EPHESI 5:5

Indithmang le mi inthiengnaw le mi duâm hrim hrim chu, (mi duâm chu milim betu a nih), Krista le Pathien rama chun chan hrim an nei nawh ti in hriet hle sih a.

2 TIMOTHE 4:10

Dema chun tulai khawvêl hi a ngainat leiin a mi mâksan tah a. Thessalonikaah a fe ta sih a; Kreske chu Galati ramah a fe tah a, Tita chu Dalmati ramah a fe ta bawk a, Luka chau ka kuomah a um tah.