MARKA 10:1 - Pathien Lekhabu Inthieng (BSI)

¹ Chun, a tho a, chutaka inthawk chu Judai ram le Jordan râlah a fe tah a; chun, mi- puihai chu a kuomah an hung inkhâwm nâwk a, chuongchun, a thaw dân ta ang rawpin a lo inchûktir nâwk a.

MARKA 10:1 ပူးပေါင်းရင်းမြစ်များ

THUHRILTU 12:9

Chu bâka chun, Thuhriltu hi a var leiin, mihai chu hrietthiemna ân chûktir hlak a, anih, a ngaituoh a, a zawngsuok a, thuvar tamtakhai chu indawt peiin a sieh a.

JEREMIA 32:33

Chun, kei chu hmatieng ni loin, hnungtieng an mînnghat a, inhma- taka thoa anni inchûktirin, anni chu ka lo inchûktira chu, inchûktirna chu hre dingin an ngai si nawh a.

MATTHAI 26:55

Chu lai chun, Isûn mipuihai kuoma chun, “Kâwlhnâmhai, hem- bâwkhai châwiin suomhmang man ding ang elin a mi man dingin in hung suok a ni maw? Pathien biekinah ni tin inchûktirin ka ṭhung hlak a, in mi man si nawh a.

MATTHAI 4:23

Chun, Isûn an inkhawmna inhaia inchûktirin, ram Chanchin Ṭha chu hrilin mihai laia natna tinrêng le hrât nawna tinrêng suk- damin Galili ram po po a fang pei a.

MARKA 1:21

Chun, Kapernaumah an va feh a, chun Châwlni chun inkhâwmna inah a lût a, ân chûktir nghâl tah a.

MARKA 10:2

Chun, Pharisaihai ṭhenkhat a kuomah an hung a, ama fiena dingin “Mîn a nuhmei a mâk a thieng am?” tiin an indawn a.

MARKA 12:35

Chun, Isûn Pathien biekina ân chûktir laiin an kuomah, “Krista chu David naupa a nih ti Dân inchûk- tirtuhaiin iengti ziea hril hlak am an nih a?

MARKA 14:49

Pathien biekinah ni tin inchûktirin ka um hlak a, in mi man si nawh a. Nisienlakhawm, Pathien Lekha Thu chu a hung tlung theina ding a ni hi,” a ta.

MARKA 2:13

Chun, a suok nâwk a, dîl panga chun a fe tah a; chun mipui po po chu a kuomah an va feh a, a lo inchûktir tah a.

MARKA 4:2

Chun, tekhithuin thu tamtak ân chûktir a, ân chûktirnaa chun,

MARKA 6:2

Chun, Châwlni a hung na, inkhâwmna inah ân chûktir tah a. Chuongchun, mi tamtak a thu hre hai chun, “Hi mipa hin hieng thu hi khawlaia inthawka a hriet am a na? Hi mipa kuoma pêka um hi ieng varna am a na? A kut ngeiin thil mak tak tak a thaw hi iengtizie am a na?

MARKA 6:34

Chuongchun, ama chu a hung suok chun, mipui nasatak a hmuh a, vêngtu nei naw berâmhai ang an ni leiin a lunginsiet bêk bêk a; thu tamtak ân chûktir tah a.

MARKA 6:6

An awi nawna chu mak a ti hle a. Chun, inchûktir pum peiin khuohai chu a fang vêl a.

JOHAN 10:40

Jordan vadung râlah, Johanin a tîra mi a baptisna hmun tieng khan a fe hmang nâwk tah a, chutaka chun a um ta zing a.

JOHAN 11:7

Chun, chu hnunga chun a închûktirhai kuomah, “Judai ramah fe nâwk ei tiu,” a ta.

JOHAN 18:20

Isûn a dawn a, a kuomah, “Khawvêl kuomah, tlâng hrietah thu ka hril hlak kha; inkhâwmna in le, Pathien biekin, Juda po po um khâwmnaahai chun, kân chûktir rawp hlak kha, iengkhawm inrûkin ka hril nawh.