MARKA 1:13 - Pathien Lekhabu Inthieng (BSI)

¹³ Chuongchun, Setan ithlêmin ni sâwmli zet thlalêra chun a um a, ramsahai lai a um a, vântirkohai chun a rawng an bâwlpêk a.

MARKA 1:13 ပူးပေါင်းရင်းမြစ်များ

FESUOKNA 24:18

Mosie chu sûm zîng hnuoia chun a lût a, tlânga chun a hang fe tah a. Mosie chu ni sâwmli le zân sâwmli tlânga chun a um tah a.

FESUOKNA 34:28

Chutaka chun Mosie chu LALPA le chun ni sâwmli le zân sawmli a um a; bei hlak a fâk nawh a, tui khawm a dâwn bawk nawh a. Thuthlung thuhai, thupêk sâwmhai chu lungphêkhai chunga chun a ziek tah a.

MATTHAI 26:53

Tukhawm hin vântirko sâng ruk hmun sâwm le hmun hni nêka tam lem mi hung tirpêk dingin ka Pa kuomah ngên thei naw dingin in mi ring am a nih?

MATTHAI 4:1

Chu zoa chun Isu chu Diebol thlêma um dingin thlalêrah Thlarau ṭhuoi lûtin a um tah a.

LUKA 4:1

Chun, Isu chu Thlarau Inthiengin a sip a, Jordan vadunga inthawk- in a kîr nâwk a, thlalêrah ni sâwmli Thlarau ṭhuoia umin Diebol thlêmin a um a.

DÂN PAHNINA 9:11

Ni sâwmli le zân sâwmli hnung- a chun lungphêk pahni, thuthlungna lungphêk chu a mi pêk a.

DÂN PAHNINA 9:18

Chun, kha hmaa ka thaw ang khan ni sâwmli le zân sâwmli LALPA hmaah ka bawkkhup a; a lung suksen dinga LALPA mithmua in thil suksuol tah in suolna po po leiin bei khawm ka fâk nawh a, tui khawm ka dâwn bawk nawh.

DÂN PAHNINA 9:25

Chuongchun, LALPAIN ‘Sukbo- hmang ka tih’ a ti cheu lei khan LALPA hmaah ka bawkkhup a, ni sâwmli le zân sâwmli ka bawkkhup kha.

1 TIMOTHE 3:16

Chun, Pathien ngaisakna thu- rûk chu sêl ruol loin a ropui a nih: “Ama, tisaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

HEBRAIHAI 4:15

Thiempu Laltak ei hrât nawzie inhrietnahai mi hrietpui phâk naw nei ei ni si nawh a. Eini anga kawng tinrênga thlêmna tuok tah, suol ruok chu suol naw nei ei ni lem.