MALAKI 4:1 - Pathien Lekhabu Inthieng (BSI)

¹ Sipaihai LALPA chun a tih, “Ngai ta u, ni chu a hung tlung a, rawtuina thuk angin a chawk sih a; chapotaka thawtuhai po po le, khaw- hlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr loin.

MALAKI 4:1 ပူးပေါင်းရင်းမြစ်များ

JOB LEKHABU (THE BOOK OF JOB) 18:16

A hnuoi tiengah a zunghai chu ṭâwl a ta, A chungtieng chun a kau chu vuoi bawk a tih.

INPÂKNA HLABU 119:119

Hnuoia mi rilohai po po chu thilêksie angin i sukbohmang hlak a, Chuleiin, i thuinhriettirhai chu ka ngaina a nih.

INPÂKNA HLABU 37:9

Thil ṭha naw thawtuhai chu sukbohmangin an um ding a ni sih a, LALPA nghâktuhai ruok chun ram hi hluong an tih.

FESUOKNA 15:7

I lalna ropuina chun nangma dotuhai che chu i peithlâk a: I lunginsenna chu i tir suok a, anni chu bupawl angin a kânghmang a.

ISAI 40:24

Anih, phun an ni nawh a, anih, tu an ni nawh; anih, an kûng chun hnuoiah zung a kei nawh; chu nawa khawm, ama chun anni chu a mût a, an vuoi a, thlivirin busi a lâk hmang angin a lâk hmang hlak.

ISAI 41:2

Khawsaka inthawkin mi pakhat, felna leia a ke bula a iko chu, tuin am a keihar a? ama chun hnam tin a hmaah a pêk a, lalhai chungah ro ân rêltir a, anni chu pilvut angin a kâwl- hnâm kuomah a pêk a, busi thli imût lêng angin a thalngul kuomah a pêk bawk a.

ISAI 47:14

Ngai ta, bupâwl ang el nîng an ta; meiin kâng a tih; meichawk thil- thawtheinaa inthawk chun insanhim naw ni hai a; insuklumna ding mei- hawl ang khawm ni naw nih a, awi ding mei ang khawm ni bawk naw ni.

ISAI 5:24

Chuleiin, meichawkin bupâwl a liek hmang duok duok hlak ang le, hlohna ṭâwl chu meichawka a tlu zawt zawt angin an zung chu hmawn- na angin um a ta, an pâr chu pilvut angin intung lui lui a tih; sipaihai LALPA dân chu an dit nawh a, Israel- hai Mi Inthieng thu chu an ngainêp leiin.

ISAI 9:18

Rîtlona chu mei angin a chawk dur dur hlak sih a, buor le hlohling- neihai chu a kâng hmang hlak; anih, ramhnuoi thing bitna hmunahai chun a kâng dur dur a, a khu ân tung ngut ngut hlak.

ISAI 9:19

Sipaihai LALPA lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

EZEKIEL 20:38

nangni laia inthawkin mi helhai chu sukfai ka ta, chuong keia chunga bâwsetuhai le chun; an mikhuolna rama inthawk chun hung ṭhuoi suok ka tih; amiruokchu, Israel rama chun chu lût naw ni hai; chun, LALPA chu ka nih, ti mi hre tâng in tih.

EZEKIEL 21:32

Nang chu meia thingthu ding chau ni tâng i ta; i thisen chu rama chun um a ta; nang chu hriet zing ni ta bawk naw ti ni, kei LALPA hin ka hril ta sih a,” tiin.

EZEKIEL 24:11

Chun, meiling chunga chun a ruokin inchuon la, a hung luma, a dârsen chu a hung inling theina dingin, chuongchun, ân thieng nawna chu a sûnga chun a hung intui theina dingin le, a tuiêkhai chu a hung kâng- hmang theina dingin.

EZEKIEL 34:17

Chun, nangni thua chu, Aw ka berâm ruol, Lalpa PATHIEN chun hieng hin a tih: Ngai ta, kêlchalhai le berâmchalhai ang bawkin, ran ruol le ran ruol chunga chun ro ka rêl a.

EZEKIEL 7:10

Ngai ta, ni chu, ngai ta, a hung tlung; i chungrikna chu a fe suok tah a, hmawl chu ân dâwn a, chapona chu a kumûm tah.

JOEL 2:1

Ziona chun tawtawrâwt mût unla, ka tlâng inthienga chun inrâl- ringna sukri ro, hi ram sûnga mi po pohai chu inthin raw se; LALPA ni chu a hung tlung mêk a, a hnai ta sih a;

JOEL 2:31

Nisa inthimin inchang a ta, thla chu thisenah inchang a ta, LALPA ni ropuitak le râpthlâktak chu a hung tlung hma chun.

AMOS 2:9

“Nisienlakhawm, anni hmaah Amor mihai sidar thing anga insâng le thingsaisuo anga hrât khawm kha ka sukbohmang tah a; a chungtienga a ra le, a hnuoitienga a zung khawm ka sukbo a.

OBADIA 1:18

Jakob sûnghai chu mei nîng an ta, Josef sûnghai chu meichawk nîng an tih. Esau sûnghai chu bupâwl ding nîng an ta, anni lai chun chawk an ta, kâng hmang vawng an tih; Esau sûng- hai chu a mahla hrim um naw ni hai; LALPA chun a ti ta sih a.

NAHUM 1:10

Hling bawn anga umin an uoin dâwn chun chie hu hnêp angin um sienla khawm, bupâwl ṭâwl ang ela sukbohmang vawng nîng an tih.

ZEPHANIA 1:14

LALPA ni ropuitak chu a hnai tah a, LALPA ni râwlri ngei chu a hnai tah a, a tlung ṭêp a nih; chu huna chun mi thilthawtheitak chu rinumti- takin a khêk a nih.

ZEPHANIA 1:18

LALPA lunginsenna nia chun an tangkain amanih, an rângkachak- in amani khawm sansuok thei naw nih a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni sih a.

ZEKARIA 14:1

Ngai ta, LALPA ni chu a hung tlung ie, nangmaa inthawka râllâk sum i sûnga an insem ni ding chu.

MALAKI 3:15

Tuhin mi chapohai chu hamṭha ei ti a ni hi: anih, khawhlona thaw- tuhai chu tungding an na; anih, Pathien an fieh a, sansuok khawm an ni hi,’ in tih a,” tiin.

MALAKI 3:18

Chun, hung kîr tâng in ta, Pathien rawng bâwl mi le a bâwl naw mi, thil khawhlo le thil fel chu thlier tâng in tih,” a ta.

MALAKI 3:2

“Nisienlakhawm, a hungna nia chun tu am um thei a ta? Ama a hung inlang pha chun tu am ngîr a ta? Ama chu fiena mei ang le, puon sâwptu sabawn ang a ni sih a;

MALAKI 3:3

ama chu tangkaraw sukthiengtu le sukfaitu angin ṭhung a ta, Levi naupasalhai chu sukthieng a ta, anni chu rângkachak le tangkaruo angin sukfai a tih; chun, anni chun LALPA kuomah felnain thilinhlânhai chu inhlân an tih.

MALAKI 4:5

Ngai ta u, LALPA hungna ni ṭiumtak le nasatak hma ngei chun zâwlnei Elija chu hung tirpêk ka ti cheu.

MATTHAI 3:12

A kutin a leipup a chawi a, a hrizâwl zâp fai hieu a ta, a pangah a bû hlûng a ta, a si ruok chu mei rêm thei loin raw hmang a tih,” a ta.

LUKA 19:43

Hieng ang nihai hi i chungah a la tlung ding a ni sih a; i râlhaiin i vêlin hnuoi kul siem an ta, inhuol an ti cheh a;

LUKA 21:20

“Nisienlakhawm, sipaihaiin Jerusalem an inhuol in hmu pha, a bohmang ding a nih ti hre ro.

LUKA 6:23

Chu ni chun lâwm unla, hlimin inchâwm ro; ngai ta u, vânah in lâwmman a um râwn sih a; chuong ang bawkin an thlatuhaiin zâwlnei- hai chungah an thaw hlak kha.

2 THESSALONIKA 1:8

Pathien hre naw mi le ei Lalpa Isu Chanchin Ṭha awi lo mihai chunga phuba lâk chu.

2 PETER 3:7

nisienlakhawm, tuta vânhai le hnuoi umhai hi chu thu bawk lei chun Pathien ngaisak naw mihai rorêl le bohmang nia dingin khêkin, meia dinga inkhâwl khâwm a ni tah.