MALAKI 3:16 - Pathien Lekhabu Inthieng (BSI)

¹⁶ Chun, LALPA ṭi mihai chu an inbiek tâwl a; chun, LALPA khawmin anni chu a ngai ngei a, a hriet a, ama hmaa chun hriet zingna lekhabu chu, LALPA ṭituhai le, ama hming ngaituo hlaktuhai ta ding chun ziekin a um tah a.

MALAKI 3:16 ပူးပေါင်းရင်းမြစ်များ

INṬANNA 22:12

Ama chun, “Naupang chunga khan i kut thlâk naw la, ama kha iengkhawm law naw rawh; i naupasal nei sun khawm mi pêk în ro naw leiin Pathien i ṭi ti tuhin ka hriet tah,” a ta.

2 SAMUEL 7:1

Chun, lal chu a inah a um a, LALPAIN an vêla a hmêlmahai po poa inthawka râlmuonga ân umtir hnung chun,

1 LALHAI 18:12

Ka mâksan phing che hin LALPA thlarauin ka hriet nawnaah la hmang sîng a ti cheh a, chuong- chun, Ahab chu ka va hril a, a hung hmu thei si naw che chun a mi that el ding i sawnnaw; nisienlakhawm, i siehlaw hin ka tleirawla inthawk tah LALPA chu ka ṭi hlak sih a.

1 LALHAI 18:3

Chun, Ahab chun Obadia, a insûng tieng hotu chu a ko a, (Obadia chu LALPA ṭi mi tak a na,

2 CHANCHIN SUINA 6:7

Chuongchun, ka pa David lung- rila chun Israelhai Pathien LALPA hminga in bâwl nuomna a um a.

NEHEMIA 1:11

Aw LALPA, lunginsiettakin i siehlaw ṭawngṭaina le i hming ṭi lâwm zâwnga nei, i siehlawhai ṭawngṭainaa hin i na lo sit ta; chun, vawisûn hin i siehlaw hi mîn hlawtlingtir la, hi mi mithmua hin lunginsiettakin zângaina indawngtir rawh,” ka tih a. Kei chu lal no inhlântu ka ni sih a.

ESTHER 2:23

Chuonga chu thu chu dâwp- suokna siem a hung ni chun, chuong ang ngei chu a ni ti hmusuok a ni tah a, anni chu thinga khai hlum an ni ve ve tah a; chun, lal hmaa chun lal chanchin ziekna bua chun ziek a ni nghe ngheh a.

ESTHER 6:1

Chu zân chun lal chu a in thei ta nawh a; lal chanchin hriet zing dinga ziekna lekhabu chu hung la dingin thu a pêk a; chuongchun, lal hmaa chun tiem an ni tah a.

JOB LEKHABU (THE BOOK OF JOB) 28:28

Chun, mihriem kuoma chun, ‘Ngai ta, Lalpa ṭi chu, varna a nih; Suola inthawka fe hmang chu hrietthiemna a ni bawk a,’ a ta,” tiin

INPÂKNA HLABU 10:4

Mi rilo chun chapo hmêl putin, “Iengkhawm mi ti hliek naw ni,” a ti hlak a, A ngaituona po po chu “Pathien hrim a um nawh,” ti ruok hi a nih.

INPÂKNA HLABU 104:33

Ka dam sûng po chu LALPA chawimawiin hla sak ka ta, Ka hring sûng po chu ka Pathien chu inpâkin hla sak ka tih.

INPÂKNA HLABU 111:10

LALPA ṭina chu varna bul a na, Chuong anga thaw taphawthai chun hrietthiemna ṭha an nei a. Ama inpâkna chu kumkhaw- tluonga um ding a nih.

INPÂKNA HLABU 115:13

LALPA ṭituhai chu mal sâwm a ta, A lien a chînin.

INPÂKNA HLABU 119:63

Nangma ṭituhai po po le, I thununna thuhai zâwmtuhai ruol ka nih.

INPÂKNA HLABU 139:4

Ngai ta, aw LALPA nangin i hriet fai vawng naw chu, Ka leia hin thu hrim hrim a um nawh.

INPÂKNA HLABU 147:11

LALPA chun ama ṭituhai chunga chun lâwmna a nei hlak, A ngilneina beiseituhai chunga chun.

INPÂKNA HLABU 16:3

Hnuoia mi inthieng umhai thua chu, Anni chu mi ṭha, ka lâwmna po po umnahai chu an nih.

INPÂKNA HLABU 20:7

Ṭhenkhatin tawlailîrhai an ring a, ṭhenkhatin sakawrhai an ring a, Keini ruok chun LALPA kan Pathien hming chu lam lem kan tih.

INPÂKNA HLABU 33:18

Ngai ta, LALPA mit chu ama ṭîtuhai chunga chun a fu zing hlak a, A ngilneina beiseituhai chunga chun.

INPÂKNA HLABU 34:15

LALPA mit chun mi felhai tieng a en hlak a, Ama chun an khêk hre dingin a ngai zing hlak.

INPÂKNA HLABU 56:8

Nangin kân vâkvainahai hi în chik hlak a, Ka mitthlihai hi i savun pênga chun thun la. I lekhabuah a chuong tâwl naw am a nih?

INPÂKNA HLABU 56:9

Ka ko pha che chun a mi dotuhai chu tlânsieng an tih. Hi hi ka hriet, Pathienin a mi ṭan hi.

INPÂKNA HLABU 66:16

Hung ta u, Pathien ṭituhai po po, ngai ta u, Chuongchun, ka hringna dinga a thilthaw chu inhriettir ka ti cheu.

INPÂKNA HLABU 94:19

Ka lungrila ngaituo tamtak ka nei lai chun, I thlamuonna chun ka hringna hi a sukthafân hlak.

FESUOKNA 32:32

Nisienlakhawm, rem i ti chun an suolna chu la ngaidam hrâm rawh, chuong a ni naw chun, ka ngên che hi, i lekhabu i zieka inthawk khan mi thaihmang el rawh,” a tih a.

THUVARHAI 13:20

Mi varhai intlawnpui la, nang khawm var i tih, Mi invêthai inruolpui ruok chu suksiet nîng a tih.

ISAI 26:3

I chunga lungril innghattu chu nang a ring che leiin, lungmuongtaka um dingin vêng i tih.

ISAI 26:8

Anih, Aw LALPA, i rorêlna lam- puia chun kan nghâk zing cheh a, kan hringna dit zâwng chu i hming tieng le i hriet zingna tieng hi a nih.

ISAI 4:3

Chun, Ziona la um le, Jerusalem- a la umhai chu inthieng ti ni tâng an tih, Jerusalema a la damhai laia hming ziekhai po po chu:

ISAI 50:10

Nangni laia LALPA chu ṭih a, a siehlaw thuawi chu, tu am a na? Inthima lênga var hrim hrim nei naw chun LALPA hming chu ring sienla, a PATHIEN chungah innghat raw se.

ISAI 65:6

Ngai ta u, ka hmaah ziekin a um a, to zing naw ningah a, thung lem ka tih, anih, an ângsûngah thung ve vêng ka tih,

JEREMIA 31:18

Ephraim chu hieng ang lusûn hin ka hriet ngei a nih: “Bâwngtê rîngkawl la bât ṭhang lo angin nangin i mi thununa, thununin ka um a; nangin mîn hertir la, chuongchun, inher ka tih: nang chu LALPA ka Pathien i ni sih a,” tiin.

JEREMIA 8:6

Ka ngai a, ka lo hriet a, anachu, thudik an hril nâwk a, mi tukhawm, “Ieng am ka lo thaw ta leh,” tiin a khawhlonaa inthawk chun ân sîr nawh a, mi tin chun mâni lampui seng an hrawh a, indonaa sakawr tlân bingbilet ang chun.

EZEKIEL 9:4

Chun, LALPA chun a kuoma chun, “Khawpui laia chun, Jerusalem laia chun fe suok la, chu sûnga tirdak- umnahai thawa um tahai po po leia khêk a, thuokdawnghai mi chuonghai bâwkhaia chun inchikna sie rawh,” a tih a.

DANIEL 12:1

“Chu pha chun lal naupa ropuitak Mikael, i mihai ta dinga ngîr chu ngîrsuok a ta; chun, buoina hun chu a hung um ding a nih, hnam um tira inthawka chu chu hun chena khawm la um ngai hrim hrim lo chu; chu pha chun, i mihai, lekha- bua zieka hmu taphawthai chu sanhim nîng an tih.

DANIEL 7:10

Chun, tuihnâr ṭiumtak a hung suok a, A hma bula inthawk chun a hung suok a, Sâng sânga sângin a rawng an bâwl a, Sang sâwm sâwma vawi sâng sâwm a hmaa chun an ngîr a; Rorêlna chu ṭan a ni tah a, Lekhabuhai chu hawngin a um tah a.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlin- hliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai LALPA chun a tih.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

LUKA 2:38

Chun, chu lai tak chun ama chu a hung a, Pathien kuomah lâwmthu a hril a, Jerusalem intlan beiseihai taphawt kuoma chun Isu chanchin a hril a.

THILTHAWHAI 1:13

Chun, an lûtin an umna pindan chunghnunga chun an hang feh a Peter le Johan leh, Jakob le Andri leh, Philip le Thoma leh, Bartholomai le Matthai leh, Alphai naupa Jakob leh, Simon Zelot pâwla mi le Jakob naupa Juda leh an nih.

THILTHAWHAI 10:2

Pathien ngaisak mi a na, a sûnghai po po leh Pathien an ṭi hlak a; mihai kuomah thil tamtak a pêk hlak a, Pathien kuoma khawm an ṭawngṭai rawp a.

THILTHAWHAI 2:1

Chun, Pentikost ni a hung tlungin, an rêngin hmun khatah an um khâwm vawng a.

THILTHAWHAI 9:31

Chuongchun, kohranhai chu Judai ram vêla dâm, Galili ram vêla dâm, Samari ram vêla dâm chun an det deu deu a, muongtakin an um tah a; chun, Lalpa ṭi dêkin, Thlarau Inthieng ithlamuongin an um a, an hung pung ta deu deu a.

EPHESI 5:19

Inpâkna hlahai, Pathien hlahai, thlarau tieng hlahaia inbe tuoin, Lalpa chu in lungrilah hla sakpêkin, ṭingṭang kei pêk ro.

1 THESSALONIKA 5:11

Chuleiin, infui tuoin insukṭha- hnem tuo seng ro, in thaw hrim hlak ang khan.

1 THESSALONIKA 5:14

Chun, unauhai, kan ngên cheu, dân ang nawa umhai chu kâwk unla, lungril chînhai chu infui unla, a hrât nawhai chu ṭhangpui unla, mi po po chungah dâwthei takin um ro.

HEBRAIHAI 10:24

Chun, hmangai le thilthawa in- chawktho tuo dingin inngaituo seng ei tiu.

HEBRAIHAI 12:15

Nguntakin en ro, chuong naw chun, Pathien lunginsietna tling zo naw mi tû amanih um a ta, khâkna zung ieng amanih hung indera suk- buoi cheuin, chu chun mi tamtak chu sukthieng loin um an ta,

HEBRAIHAI 3:13

“Vawisûn,” an ti sûng hin ni tinin infui tuo lem ro; chuong naw chun, nangni laia mi tûkhawm hi suol hlêmnaa sukngarin um rawi in tih.

THUPUONGSUO 15:4

Aw Lalpa, tu am i hming inza nawh a, Chawimawi naw ding? Nang chau în thieng si; I thilthaw felhai chu suklang a ni ta leiin, Hnam tinrêngin chibai hung bûk an ti che,” tiin.

THUPUONGSUO 20:12

Chun, mithihai a lien a chîn, lalṭhungpha hmaa ngîr ka hmuh a. Chun, mithihai chu lekhabuhaia ziek an thilthaw ang peiin rêlpêkin an um tah a.