MALAKI 3:14 - Pathien Lekhabu Inthieng (BSI)

¹⁴ Nangni chun, ‘Pathien rawng- bâwl hi a thlâwn el a nih: a thupêk ei pawm a, sipaihai LALPA hmaa lungsetaka ei fe hi ieng am a ṭhathnemna a um a?

MALAKI 3:14 ပူးပေါင်းရင်းမြစ်များ

JOB LEKHABU (THE BOOK OF JOB) 22:17

Pathien kuomah, ‘Keini mi mâksan rawh, Iengkimthawthei chun kan chungah ieng am thaw thei a ta?’ tituhai chu.

JOB LEKHABU (THE BOOK OF JOB) 34:9

Ama chun, ‘Mihriem ta dingin ieng khawm a ṭhahnem nawh,’ ti siin, Pathiena chun ama chu a lâwm chu.

JOB LEKHABU (THE BOOK OF JOB) 35:3

‘I ta dingin ieng am a ṭhatna a um a? Ka suksuol naw hi ieng am ka hlâwkna a um a?’ i ti a nih.

ISAI 43:22

Nisienlakhawm, aw Jakobhai, nangni chun in mi ko si nawh a, aw Israelhai, nangni chun in mi nghawk lem a ni hi.

ISAI 58:3

‘Ieng leiin am bu kan nghei a i hriet si naw a, ieng leiin am kan insukrimsih a i hriet si naw maw?’ an ti hlak a. Ngai ta u, in bu nghei ni chun nangni nunkhuo in phâm a, in sinthawtuhai po po in nêksâwr hlak.

JEREMIA 18:12

“Nisienlakhawm, ‘Beiseina hrim a um nawh, mi tin mâni ngairuotna ang seng ei hraw ding a na, eini mi tin chun mâni lungril rilo ngar- zie ang peiin ei thaw el ding a nih,’ an ta.

JEREMIA 2:25

I keah kekawk bun loin um naw la, i hnuk khawm dangchârin sie naw rawh; nang ruok chun, ‘Beiseina a um ta nawh, mi hmêlmakhai chu ka hma- ngai a, anni hnung chu zui el ka tih’ i tih a.

JEREMIA 44:18

Amiruokchu, hi vân lalnu kuoma riminhnik raw kan mâka, dâwnmi thilinhlân buok kan mâk china chu thil iengkim kan tlasamin, ṭâmna le kâwlhnâmin a mi sukbo- hmang zo a ni ta hi.

HOSEA 7:16

An ngha kîr a, Achunghnungtak kuomah ni loin; Thalngul rul ang an nih, An mi lienhai chu an ṭawng pâwngpawr leiin kâwlhnâmin tlûng an tih; Hi hi Aigupta rama nuizatbûr an nina nîng a tih.

JOEL 2:12

LALPA chun, “Chuong sa khawmin tuhin in lungril po poin, bu ngheiin, ṭapin, lungngaiin keia tieng hung ngha unla;

ZEPHANIA 1:12

Chuong huna chun, Jerusalem chu khâwnvarhai sitin dap ka ta, mi an in kilkhâwrhaia chêng a, an lung- rila, “LALPA chun thil ṭha thaw naw nih a, thil ṭha naw khawm thaw chuong hliek naw ni,” tituhai chu hrem ka tih.

MALAKI 3:13

“In thuhai chu ka chungah a hrawmhraw êm el, sipaihai LALPA chun a tih, Nangni chun, ‘Ieng âm kan hrilsiet che a?’ in ta.

JAKOB 4:9

Rimsi unla, lungngai unla, ṭap ro; in innui chu lungngaiah inchang sienla, in hlim nguiah inchang raw se.