MALAKI 3:1 - Pathien Lekhabu Inthieng (BSI)

¹ “Ngai ta u, ka tirko chu ka tir a, ama chun ka hmaah lampui chu buotsai a tih: chun, LALPA in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai LALPA chun a tih.

MALAKI 3:1 ပူးပေါင်းရင်းမြစ်များ

INPÂKNA HLABU 110:1

LALPA chun ka Lalpa kuomah, “I hmêlmahai i ke innghatnaa ka siem hmakhat chu, Ka changtieng ṭhung rawh,” a tih a.

FESUOKNA 23:20

“Ngai ta, i lampuia enkawl ding che le, hmun ka buotsaia chun ṭhuoi ding chein i hmaah vântirko ka tir a nih.

FESUOKNA 23:21

Ama chu pawisa unla, a râwl chu ngai unla, suklungsen naw ro; ka hming chu amaa chun a um a, in bawsietnahai chu a ngaidam naw ding cheu a ni sih a.

ISAI 40:10

En ta u, Lalpa PATHIEN chu mi hrâttak angin a hung ding a ni hi; a bân chun a aiah ro rêl a tih; en ta u, a lâwmman chu a kuomah a um hi, a thungna chu a hmaah a um bawk a.

ISAI 63:9

An lunginzîngna po poa chun ama chu a lunginzîng ve hlak a, vân- tirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl tah a; tienlai ni po poa chun anni chu a puokin anni chu a pawm hlak a.

ISAI 7:14

Chuleiin, LALPA ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Im- manuel sak a tih.

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

HAGGAI 1:13

Chun, LALPA mitir Haggai chun LALPA thucha chu mipuihai kuoma chun, “In kuomah ka um, LALPA chun a tih,” tiin a hril a.

MALAKI 2:4

Ka thuthlung chu Levi kuoma chun a um theina dingin, hi thupêk hi in kuomah ka hung pêk a nih ti hre tâng in tih, sipaihai LALPA chun a tih.

MALAKI 2:7

Thiempu hmûrhai chun hriet- thiemna a vawng ding a na, a baua inthawk chun miin dân chu an zawng ding a ni sih a: ama chu sipaihai LALPA mitir chu a ni sih a.

MALAKI 4:5

Ngai ta u, LALPA hungna ni ṭiumtak le nasatak hma ngei chun zâwlnei Elija chu hung tirpêk ka ti cheu.

MATTHAI 11:14

In awi nuom chun, chu chu Elija, a hung ding chu a nih.

LUKA 1:76

Anih, Bawipu, nang hi Achunghnungtak zâwlnei tîng an ti che. A lampuihai siem dingin Lalpa hmaah i fe ding a ni sih a;

LUKA 19:47

Chun, ni tin Pathien biekina chun ân chûktir hlak a. Chun, thiempu lalhai le Dân inchûktirtuhai leh, vântlâng laia hotu deuhaiin, ama sukbohmang an tum a;

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

LUKA 2:38

Chun, chu lai tak chun ama chu a hung a, Pathien kuomah lâwmthu a hril a, Jerusalem intlan beiseihai taphawt kuoma chun Isu chanchin a hril a.

LUKA 2:46

Chun, ni thum chena chun, Pathien biekinah, inchûktirtuhai laia ṭhungin, an thu lo ngai a, lo indawnin an hmu tah a.

THILTHAWHAI 19:4

Chun, Paula chun, “Johan khan chu mi kuomah, ‘A mi hung zuitu ding, (Isu chu) in la ring ding a nih,’ tiin simna baptismain a baptis hlak a ni kha,” a ta.

THILTHAWHAI 7:38

Ama chu thlalêra pungkhâwm- hai laia Sinai tlânga betu vântirko kuoma le ei thlatuhai kuoma um kha a nih; ama chu a mi pêk sâwng dinga thu hringhai latu kha a nih.