MALAKI 2:7 - Pathien Lekhabu Inthieng (BSI)

⁷ Thiempu hmûrhai chun hriet- thiemna a vawng ding a na, a baua inthawk chun miin dân chu an zawng ding a ni sih a: ama chu sipaihai LALPA mitir chu a ni sih a.

MALAKI 2:7 ပူးပေါင်းရင်းမြစ်များ

2 LALHAI 16:11

Chun, thiempu Urija chun mâi- châm a hang siem a; lal Ahazin Damaska khuoa inthawka a thawn ang chie chun thiempu Urija chun Damaska khuoa inthawka lal Ahaz hung hma chun a lo siem hman diem a.

2 LALHAI 16:16

Chuongchun, thiempu Urija chun lal Ahaz thupêk ang po po chun a thaw tah a.

2 CHANCHIN SUINA 30:22

LALPA rawngbâwlna sina thiemtaka thaw Levi mihai kuoma chun Hezekia chun thlamuonna thu a hril a. Chuongchun, ni sari sûng chu inremna thilinhlânhai chu inhlânin le, LALPA an thlatuhai Pathien kuoma chun thupha chawina siemin, ruoiṭhe sûng po po chun an fâk a.

2 CHANCHIN SUINA 31:4

Chunawa khawm, LALPA dâna an hrât theina dingin Levi mihai le thiempuhai chu an chan chu pe ve dingin Jerusalema umhai chu thu a pêk bawk a.

EZRA 7:10

Ezra chun LALPA dân chu zawng a, thawh a, rorêlnahai le thu- ruothai chun Israel rama chun inchûktir a lungrilin a tum tlat a.

EZRA 7:25

Chun, nang Ezra hin, i kawl Pathienin varna a pêk che ang peiin vadung râltienga mihai chunga rorêl dingin i Pathien dânhai hre mihai ang chu ram awptu le rorêltuhai dingin thlang i tih, a la hre nawhai chu inchuktir unla.

THUVARHAI 5:2

Ngairuotthiemna chu i vawng tlat theia, I hmûrhai chun hrietna a kawl tlat theina dingin.

THUHRILTU 5:5

În khâma i hlen si naw nêk chun, în khâm naw law law kha a ṭha lem.

ISAI 42:19

Ka siehlaw naw chu tu mit am ân del a? Annawleh, ka tirko tir angin tu na am a sêt a? A mi remtu angin tu mit am ân del a? LALPA siehlaw angin tu mit am ân del a?

ISAI 44:26

mâni siehlaw thu sukdet a, mâni palaihai remruot sukmuol- suotu, Jerusalem chungchâng thua, ‘Chutaka chun mi um nâwk an tih,’ titu le, Juda ram khawpuihai chung- châng thua, ‘Siemin um nâwk tâwl an ta, a sietna laihai chu siem ṭha nâwk ka tih,’ titu,

JEREMIA 15:19

Chuleichun, LALPA chun hieng hin a tih: I hung kîr chun, ka hmaa i ngîr theina dingin hung ṭhuoi nâwk ka ti che; mi suolhaia inthawka thil hluhai i lâk suok chun, ka bau ang nîng i ta; anni chu i kuomah hung kîr an ta, nang ruok chu an kuom tieng kîr naw ti nih.

JEREMIA 18:18

Chun, anni chun, “Hung ro khai, Jeremia chunga hin thuphier- rûk phier ei tih; thiempua inthawkin dânin bo ni nei naw nih a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 2:8

Thiempuhai khawm chun, “LAL- PA kha khaw lai am a um a?” khawm an ti nawh a; dân hmangtuhai hlak chun an mi hriet bawk nawh: rorêl- tuhai khawm chun ka chungah an bawsiet a, zâwlneihai khawm chun Baal hmangin thu an hril a, thil a hlâwkna um dêr lohai chu an hnawt ta lem a.

EZEKIEL 22:26

A thiempuhai chun ka dâna chun thawluina an hmang a; ka thil inthienghai chu an sukpawrche a; thil pângngai le thil inthieng khawm chu an ṭhe hran nawh a, chuongchun, mihai khawm chu thil inthieng le thienglo chu hre hran dingin an siem nawh a; ka châwlnia inthawkin an mithai an hup a; anni laia chun sukhmingsiet ka ni tah a nih.

EZEKIEL 7:26

Sietna chunga siet nâwk zuolna hung tlung a ta, thuthang chunga chun thuthang um a ta; chun, zâwlnei thilhmulâwkhai chu zawng an ta, nisienlakhawm, thiempua inthawkin dân le, mi hluihaia inthawkin thu- râwn chu bohmang tâng a tih.

DANIEL 11:33

Chun, mihai laia a varhai chun, mi tamtak inchûktir an ta; ni tamtak sûng, râllâk le, sala manin mei le kâwlhnâmin tlûng an tih.

HOSEA 4:6

Ka mihai chu hrietna tlâksam leiin sukbohmang an na, Hrietna chu i dit naw leiin kei khawma ka thiempu i ninaa inthawk chun dit naw ve tâng ka ti che. I Pathien dân chu i theinghil vei a, Kei khawmin i nauhai theinghil vêng ka tih.

LEVI DÂN 10:11

LALPAIN Mosie hmanga an kuoma a hril, thupêkhai po po chu Israel thlahai în chûktir theina dingin nîng a tih,” tiin.

ZEPHANIA 3:4

A zâwlneihai khawm chu mi ngaisam le mi khawhlo an na, a thiempuhai hlak chun hmun inthieng chu an sukpawrche tah a, dâna chun inpâwngnêkna chu an hmang ta a nih.

HAGGAI 1:13

Chun, LALPA mitir Haggai chun LALPA thucha chu mipuihai kuoma chun, “In kuomah ka um, LALPA chun a tih,” tiin a hril a.

ZEKARIA 7:3

sipaihai LALPA thiempuhai kuoma le zâwlneihai kuoma chun, “Kum khâng chena ka lo thaw ta hlak ang khan, keima chu insuktumin, thla kuonaa hin ka ṭap ding am a nih,” tia indawn dingin an tir a.

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, LALPA in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai LALPA chun a tih.

NAMBAR 27:21

Chuongchun, ama chu thiempu Eleazar hmaa chun ngîr a ta, ama chun LALPA hmaah Urimin thu la pêk a ta, a thuin suok an ta, a thuin lût an ta, ama le Israel thla po pohai, pungkhâwmhai po po leh,” a ta.

JOHAN 13:20

Titakzetin, titakzetin ka hril cheu hi, tûkhawm ka itir taphawt lâwm chu, keima mi lâwm a nih; tûkhawm kei mi lâwm chu a mi tirtu lâwm a nih,” a ta.

JOHAN 20:21

Chun, Isûn an kuomah, “In chungah thlamuongna um raw se, Pain kei a mi tir ang bawkin ka tir cheu hi,” a ti nâwk a.

THILTHAWHAI 16:17

Ama chun Paula le keini a mi zui a, “Hienghai, sandamna lampui hriltu cheu hi, Achunghnungtak Pathien suokhai an ni hi,” tiin a khêk a.

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

GALATI 4:14

Chun, ka taksaa in ta dinga thlêmna um chu in hmusit naw a, in tirdak naw bawk a; Pathien vântirko angin, Krista Isu ang elin, in mi lâwm lem ta kha.

DÂN PAHNINA 21:5

Levi naupa thiempuhaiin hung pan an ta, anni chu LALPA in Pathienin a rawngbâwltu le LALPA hminga malsâwmtuhai dinga a ruot an ni sih a; thubuoi le invuok thu chu an rêl ang ang nîng a tih.

DÂN PAHNINA 24:8

“Phâr hri chungchâng thua chun, nguntaka dap suok a, thiempu Levi mihai inchûktir dân ang peia thaw dingin fîmkhur ro; anni thu ka pêk angin fîmkhurtakin in thaw ding a nih.

1 THESSALONIKA 4:8

Chuleiin, a pawisa nawtu chu mihriem pawisa naw a ni nawh a, Pathien, a Thlarau Inthieng pe hlaktu cheu kha pawisa naw a ni lem.

1 SAMUEL 2:17

Chuongchun, tlangvâlhai suol- na chu LALPA mithmuah a lo nasa ta êm êm el a, mihai chun LALPA kuoma inthâwina inhlânhai chu an ngainêp pha ta sih a.