MALAKI 2:2 - Pathien Lekhabu Inthieng (BSI)

² In ngai a, ka hming sukropui dinga, in lungrila in sie tlat naw chun, Sipaihai LALPA chun hieng hin a tih, in chunga chun ṭawngsie hung tir ka ta, in malsâwmnahai chu ṭawngsie inphur ka tih; anih, lungrila in sie tlat naw leiin, ṭawngsie kân phur nghâl tah a nih.

MALAKI 2:2 ပူးပေါင်းရင်းမြစ်များ

INPÂKNA HLABU 69:22

An hmaa an dawkân chu châng lo ni sienla, Lungmuongtaka an um laiin bil lo ni raw se.

THUVARHAI 3:33

LALPA ṭawngsie chu mi khawhlo inah a um a, Mi fel chêngna ruok chu mal a sâwm hlak.

ISAI 42:25

Chuleiin, a lunginsenna nasat- na le inthawna ṭha chu an chungah a bunthlâk a; chuongchun, anni chu a raw vêl a, nisienlakhawm, an lungril- in an ngaituo si nawh.

ISAI 47:7

Chun, “Kei hi kumkhuoin lal- nuah um ka tih,” i tih a; chuongchun, chuong thilhai chu i lungrilin i ngaituo nawh a, a tâwpna ding hlak chu i hriet zing bawk nawh a.

ISAI 57:11

Tu am i ṭih a, în lau a, khêl i hril hlak a, kei i mi hriet ta nawh a, i lungrila i ngaituo ta naw hi? Sâwttak ka to zing an nâwm a nih? Ṭi khawm i mi ṭi naw hi.

JEREMIA 34:17

Chuleiin, LALPA chun hieng hin a tih: Mi tinin mâni unaupa chunga le, mi tinin mâni tuolbâwm chunga zalênna phuong dingin ka thu in ngai naw a nih; ngai ta u, kâwlhnâm kuoma le, ṭâm kuoma le hripui kuoma chun in ta dingin zalênna chu ka phuong a nih, LALPA chun a tih: chuongchun, leihnuoia lalram po pohai laia hnungtieng hmatienga hnawt lêng dingin ka siem ding cheu a nih.

EZEKIEL 3:7

Amiruokchu, Israel sûngkuohai chun i thu ngai naw ni hai a, keia thu an ngai naw ding leiin; Israel sûngkuohai po po chu chal changtak, lungril ngartak ruok an ni leiin.

HAGGAI 1:6

In tu ṭeu a, tlâwmte chau in lâk lût a, in fâka chu khawp lêm in nei nawh a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlaw- tu khawm chu ip mawng inâwnga thlâk el dingin a hlaw a nih,” tiin.

HAGGAI 1:9

“Tamtak chu in zawng hlak a, anachu, tlâwmte a hung ni el hlak; ina in hung lâk lût pha khawmin, ka lo mût hmang el hlak. Ieng leiin am?” Sipaihai LALPA chun a tih. “Ka in hienga sieha um zing siin, mi tin mâni in sengah in tlân hlak leiin.

MALAKI 2:1

“Tuhin, aw nangni thiempuhai, hi thutiem hi in ta ding a nih.

MALAKI 3:9

Ṭawngsie chun ṭawngsie inphur in nih; hi hnam pumpui el hin in mîn rûkpêk sih a.

LUKA 17:18

Pathien inpâk dinga kîr nâwk, hi hnam dang mi chau naw hi tukhawm hmuin an um naw a ni maw?” a ta.

JOSUA 7:19

chu naupa Akan chu man a lo ni tah a. Josua chun Akan kuoma chun, “Ka naupa, LALPA Israelhai Pathien chu ropuina pe rawh, a kuoma chun inphuong raw khai; i thilthaw chu mi hang hril ta, ka kuoma chu ip naw raw khai,” a ta.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni sih a. Amen.

THUPUONGSUO 14:7

Ama chun rawl inringtakin, “A rorêl hun chu a hung tlung ta leiin Pathien chu ṭi unla, chawimawi ro; vân dâm, hnuoi dâm, tuisuoriet dâm, tui hnâr dâm siemtu chu chibai bûk ro,” a tih a.

THUPUONGSUO 16:9

Chuongchun, mihai chu lumtaka em ûtin an um a, chuong hremna chunga thuneitu Pathien hming chu an hrilsiet a, ama chawimawi dingin an sim chuong nawh.