MALAKI 1:7 - Pathien Lekhabu Inthieng (BSI)

⁷ Ka dawkân chunga khan bei sukpawrche tah in inhlân a; chun, nangni chun, ‘Khâwlai am kan sukpawrche cheh a?’ in tih a. Chutaka chun, ‘LALPA dawkân chu hmusitum a nih,’ in ti kha.

MALAKI 1:7 ပူးပေါင်းရင်းမြစ်များ

EZEKIEL 41:22

Chun, mâichâm chu thing a na, ân sâng tieng chu tawng thum a na, a sei tieng chu tawng hni a nih; a kihai le, a mawnghai le a banghai chu thing ruok a nih; chun, ama chun ka kuom- ah, “Hi hi LALPA hmaa dawkân chu a nih,” a tih a.

EZEKIEL 44:16

ka hmun inthienga chun lût an ta, ka rawng mi bâwlpêk dingin ka dawkân hnaia chun hung an ta, ka sin chu kawl an tih.

LEVI DÂN 2:11

“Fâkmi thilinhlân hrim hrim LALPA kuoma inhlân ding chu chawl ṭhanga siem ding a ni nawh; LALPA ta dinga mei hmanga thilinhlâna ding chun chawl amanih, khuoizu amani hrim hrim in raw ding a ni nawh.

LEVI DÂN 21:6

An Pathien ta dingin mi inthieng an ni ding a na, an Pathien hming an suksiet ding a ni nawh; LALPA kuoma mei hmanga thilinhlânhai le fâk ding dâm an inhlân hlak leiin; chuleiin, an inthieng ding a nih.

LEVI DÂN 21:8

Ama chu în hlân thieng ding a na, i Pathien ta dinga fâkmi thilinhlân chu ân hlân hlak sih a. I ta dinga mi inthieng a ni ding a nih. Kei LALPA a sukthiengtu cheu hi kân thieng sih a.

LEVI DÂN 3:11

Thiempu chun chu chu LALPA kuoma mei hmanga bu thilinhlân dingin, mâichâma chun a raw ding a nih.

MALAKI 1:12

Amiruokchu, in bawsiet a, chu- taka chun, ‘LALPA dawkân chu sukpawrche a ni tah a, chutaka a theirahai khawm chu; chun, a buhai ngei khawm chu hmusitum a ni tah,’ in ta.

MALAKI 1:13

Chun, ‘Ngai ta u, nghawk a va um ngei de!’ in ta, in hnâr in hnâwt- khum a, sipaihai LALPA chun a tih. Chun, pâwngnêka lâk chu in hung lâk a, a kebai ruol, a damnaw ruol leh; chuong ang chun thilinhlân chu in hung lâk a na, hi in kut thilthaw hi ka pawmpêk ding cheu am a nih? sipaihai LALPA chun a tih.

MALAKI 1:8

Inthâwina dinga a mitdel in inhlân khan, suol a ni naw bâk chu teh! A damnaw le a kebai in inhlân khan, suol a ni naw bâk chu teh! In rorêltu kuomah va pe hrim ta u, a lo lâwm hrim cheu am? Annawleh, in mi nina chu a lo pawm ding am a nih? sipaihai LALPA chun a tih.

1 KORINTH 10:21

Lalpa no le khawhri no dâwn kawp thei naw ti niu, Lalpa dawkâna le khawhri dawkâna chu fa kawp thei naw bawk in tih.

DÂN PAHNINA 15:21

Dem kaina nei, a ke inbai amanih, a mit indel amanih, dem kaina ieng ang khawm nei taphawt chu LALPA in Pathien kuomah inthâwina dingin in hmang ding a ni nawh.