MALAKI 1:6 - Pathien Lekhabu Inthieng (BSI)

⁶ Sipaihai LALPA chun in kuomah a hril a, “Aw thiempu, ka hming hmusittuhai, naupa chun a pa ân zah a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in tih a.

MALAKI 1:6 ပူးပေါင်းရင်းမြစ်များ

INPÂKNA HLABU 123:2

Ngai ta, siehlawhai mitin an pu kut tieng a en hlak ang le, Siehlawnu mitin a pi kut tieng a en hlak angin, Keini mit khawma LALPA kan Pathien kuom tieng a en zing a nih, Keini a mi lunginsiet hmakhat chun.

FESUOKNA 20:12

I nu le pa chawimawi rawh: LALPA i Pathienin a pêk che ram- a hin i nihai chu a sâwt theina ding- in.

THUVARHAI 17:6

Nauhai nauhai chu mi upahai lallukhum an na, Chun, nauhai ropuina chu an pahai chu an nih.

THUVARHAI 30:11

Thla pakhat an thlatuhai hrilse hlak chu an um a, An nuhai khawm chu mal an sâwm bawk nawh.

THUVARHAI 30:17

Mit a pa chu nuisan a, A nu thu awi dinga hmusittu chu, Phairuom vaâkhai chun kheldawk an ta; Mulukawlhai chun fâng an tih.

ISAI 1:2

Aw vânhai, ngai unla, aw lei- hnuoi, na sit rawh, LALPA chun thu a hril ie: “Nauhai chu ka châwm puitling a, ka chungah an hel ta sih a.

ISAI 43:23

Pumrawhmanga in thilinhlân ran chînhai chu in mi hung pêk ngai nawh a, in inthâwina tieng chun in mi chawimawi ngai bawk nawh. Thil inhlânin rawng kân bâwltir ngai naw cheu a, berawin ka suksâwl ngai bawk naw cheu a.

ISAI 45:10

A pa kuomah, “Ieng am i nei leh?” titu amanih, a nu kuomah, “Ieng am i nei ding an leh?” titu chung chu a rik ie!

ISAI 64:7

Chuongchun, i hming lama, nangma chel dinga mâni insukhar tukhawm an um dêr nawh a, keini kuoma hin i hmai i thup ta sih a; kan khawhlonahai hmangin i mi sukbo- hmang tah a nih.

ISAI 64:8

Tu ruok hin chu aw LALPA, nang chu kan pa i na; keini hi bepil kan na, nang chu a mi hemtu i na, chuong- chun, kan rêng hin i kutsuok kan nih.

JEREMIA 23:11

Thiempu le zâwlnei chu suk- pawrche an ni ve ve sih a; anih, ka ina chun an khawhlona chu ka hmu a nih, LALPA chun a tih.

JEREMIA 3:4

Tuta inthawk hin, ‘Ka pa, nang chu ka tleirâwlna ṭhuoitu i nih,’ tiin ka kuomah i khêk naw dîm a nih?

JEREMIA 31:9

Ṭap pumin hung an ta, thla- muongtakin anni chu ṭhuoi ka ta, tuihai vadungpuihai sîra chun, lam- pui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni sih a.

JEREMIA 35:16

Rekab naupa Jonadab naupa- salhaiin an pain thu a pêk an thaw vei leh, hi mihai hlak hin an mi ngai si nawh a;

EZEKIEL 22:26

A thiempuhai chun ka dâna chun thawluina an hmang a; ka thil inthienghai chu an sukpawrche a; thil pângngai le thil inthieng khawm chu an ṭhe hran nawh a, chuongchun, mihai khawm chu thil inthieng le thienglo chu hre hran dingin an siem nawh a; ka châwlnia inthawkin an mithai an hup a; anni laia chun sukhmingsiet ka ni tah a nih.

HOSEA 12:8

Ephraim chun, “Ka hausa takzet el tah a, Kân sukmuk takmeu el ta a nih; Ka sinthaw po poahai hlak chun Keimaa thil suol an hmu ding hlak um dêr lo,” a tih a.

HOSEA 4:6

Ka mihai chu hrietna tlâksam leiin sukbohmang an na, Hrietna chu i dit naw leiin kei khawma ka thiempu i ninaa inthawk chun dit naw ve tâng ka ti che. I Pathien dân chu i theinghil vei a, Kei khawmin i nauhai theinghil vêng ka tih.

HOSEA 5:1

Aw nangni thiempuhai, hi hi lo hre ta u, Nangni Israel sûnghai, lo ngai ta u, Aw laltak sûnghai, na lo sit ta u, Rorêlna chu nangni ta ding a ni sih a; Mizpaa châng le, Tabor tlânga lên zar in ni leiin.

LEVI DÂN 19:3

Mi tinin in nu le pa in ṭi ding a na; chun, ka châwlnihai chu in inser ding a nih; Kei hi LALPA in Pathien chu ka nih.

ZEPHANIA 3:4

A zâwlneihai khawm chu mi ngaisam le mi khawhlo an na, a thiempuhai hlak chun hmun inthieng chu an sukpawrche tah a, dâna chun inpâwngnêkna chu an hmang ta a nih.

MALAKI 2:1

“Tuhin, aw nangni thiempuhai, hi thutiem hi in ta ding a nih.

MALAKI 2:10

Pa hmunkhat seng ei ni naw am a nih? Ei Pathien chun a mi siem seng a ni naw am a nih? Ei thlatuhai thuthlung chu bawsea, iengdinga mi tinin mâni unau chungah khaw- hlotaka ei thaw am a na?

MALAKI 2:8

Amiruokchu, nangni chu lam- puia inthawk chun in pêt hmang a, mi tamtak chu dâna chun in insuithlûk- tir a; Levi kuoma thuthlung chu in suksiet tah a nih, sipaihai LALPA chun a tih.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlin- hliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai LALPA chun a tih.

MATTHAI 15:4

Pathienin, ‘I nu le pa chawimawi rawh,’ ‘Tukhawm a nu amanih, a pa amanih hrilse taphawt chu thi tei tei raw se,’ a ti sih a.

MATTHAI 15:6

a nu amanih, a pa amanih a chawimawi ding a ni nawh’ in ti hlak a. Chuongchun, in thurosie leiin Pathien thu chu in baw hmang tah a ni hi.

MATTHAI 19:19

I nu le pa chawimawi rawh,’ tihai le, ‘Nangma în hmangai angin i vênghai i hmangai ding a nih,’ ti hi,” a ta.

MATTHAI 6:9

“Chuongchun, nangni chu hieng ang hin ṭawngṭai ro: Kan Pa vâna mi, I hming inzaum raw se, I ram hung tlung raw se.

MATTHAI 7:21

“ ‘Lalpa, Lalpa,’ a mi ti nazawng chu vân ramah lût naw ni hai, ka Pa vâna mi dit zâwng thawtuhai ruok chu lût an tih.

MARKA 10:19

Thupêkhai chu i hriet annâwm: ‘Tuol that naw, Uire naw, Inru naw, Hrietpuina inkhêl pe naw, Hlêm naw, I nu le pa chawimawi rawh,’ tihai hi,” a ta.

MARKA 7:10

Mosiein, ‘I nu le pa chawimawi rawh,’ ‘Tukhawm a nu amanih, a pa amanih hrilse taphawt chu thi mawl raw se,’ a ti sih a;

LUKA 10:29

Ama ruok chun thiem inchang- tir a tum a, Isu kuomah, “Anleh, ka vênghai chu tuhai am an na?” a ta.

LUKA 18:20

Thupêkhai chu i hriet an- nâwm ‘Uire naw, tuol that naw, inru naw, hrietpuina inkhêl pe naw, i nu le pa chawimawi rawh,’ tihai hi,” a ta.

LUKA 6:36

In Pain mî a lunginsiet angin mî lunginsiet ve ro.

LUKA 6:46

“Chun, nangnîn ieng dinga ka thu zâwm si loa, ‘Lalpa, Lalpa,’ in mi ti hlak am?

EPHESI 6:2

“I nu le pa chawimawi rawh,” (Chu chu thupêk tiem nei hmasa tak a nih).

DÂN PAHNINA 1:31

thlalêra khawm miin a nau a puok angin, LALPA in Pathien chun hi hmun in tlung chen hin lampui intluonin a puokzie cheu in hmu kha,’ ka tih a.

DÂN PAHNINA 32:6

Aw mi invêt le var nawhai, Chuong ang chun maw LALPA chu in thung ding chu? Ama chu ân dintu che i pa, Siemtu che le inngîr dettu che ni lo am a nih?

DÂN PAHNINA 5:16

“LALPA i Pathienin thu a pêk che angin i nu le i pa chawimawi rawh; chuongchun, LALPAIN ram a pêka che hin tluongtlung i ta, i dam sâwt ding a nih.

1 PETER 1:17

Chun, mi tin thlier bik nei loa, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.