MALAKI 1:14 - Pathien Lekhabu Inthieng (BSI)

¹⁴ Amiruokchu, a berâm ruol lai a chal, tiemkam sa tah neia, LALPA kuoma demuma inthâwi a, hlêmtu chu ṭawngsephurin um raw se: lal ropuitak ka ni sih a, ka hming khawm Jentailhai kuom chena khawm ṭi a um a nih, sipaihai LALPA chun a tih.

MALAKI 1:14 ပူးပေါင်းရင်းမြစ်များ

INṬANNA 27:12

Ka pa chun a mi lo them vêl el khawm a ni thei a, ama ngaiin hlêmtu ang hung ni ding ka nih a, malsâwm nêk hmanin ṭawngsie inphur ni lem el ka tih a,” a tih a.

2 SAMUEL 24:24

Chun, lal chun Arauna kuomah, “Ni lo e, a man neiin ân châwk ngeiin inchawpêk lem ka ti che, iengkhawm insêng loin LALPA ka Pathien kuom- ah pumrawhmang thilinhlân inhlân naw tawp ka tih,” a ta. Chuongchun, David chun hrizâwl le sebâwngchal- hai chu tangka shekel sâwmngain ân châwk tah a.

INPÂKNA HLABU 102:16

LALPA chun Zion khuo chu ân ngîr nâwk ta sih a, A ropuinaa inthuomin ân lang tah.

INPÂKNA HLABU 47:2

LALPA Achunghnungtak chu ṭi a um sih a. Hnuoi chung po poah Lal ropuitak a nih.

INPÂKNA HLABU 47:3

Ama chun mi tin chu ei hnuoiah tukdawl a ta, Hnam tin chu ei ke hnuoiah tukdawl bawk a tih.

INPÂKNA HLABU 47:8

Pathien chu hnam tin chungah Lalah a ṭhung a, Pathien chu lalṭhungpha inthienga chun a ṭhung a,

INPÂKNA HLABU 48:2

Insâng zâwnga mawitak, khawvêl po po hlimna chu, Zion tlâng chu a nih, hmar tieng panga, Lal ropuitak khawpui chu.

INPÂKNA HLABU 68:35

Aw Pathien, i hmun inthieng- haia inthawk chun ṭi i um a; Israelhai Pathien, ama ngei chun a mihai kuomah hrâtna le thilthawtheina a pêk hlak. Pathien chu inpâkin um raw se.

INPÂKNA HLABU 76:12

Ama chun rorêltuhai huoina chu sât bawng a ta, Ama chu hnuoia lalhai ta ding chun ṭi a um a nih.

INPÂKNA HLABU 95:3

LALPA chu Pathien ropuitak a ni sih a, Pathien po po chungah Lal ropuitak a nih.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

JEREMIA 10:10

Amiruokchu, LALPA chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 46:18

Laltak a hming khawm sipaihai LALPA chun, ka hring zing angin; tuisuoriet panga Karmel ang le, tlânghai laia Tabor tlâng angin, ama chu hung ngei ngei a tih.

JEREMIA 48:10

LALPA sin hmusittaka thawtu chu ṭawngsephurin um raw se; thisen insuo dinga a kâwlhnâm la kîrtu chu ṭawngsephurin um bawk raw se.

JEREMIA 48:15

Moab chu suksietin a um a, a khawpuihai hlak chu meiin a khuh a, a tlangvâlhai hlak chu that thlâk zo an ni tah a, Laltak, a hming sipaihai LALPA chun a tih.

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sin- thawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

DANIEL 9:4

LALPA ka Pathien kuoma chun ka ṭawngṭai a, thuphachawina dâm ka siem a, “Aw LALPA, i thupêkhai kawltu le, nangma hmangaituhai kuoma zângaina le thuthlung kawltu Pathien ṭiumtak le ropui;

ZEPHANIA 2:11

An chunga chun LALPA chu ṭiumtak nîng a ta; hnuoi chunga pathienhai po po chu a sukbohmang ding a ni sih a; chuongchun, mihriem- hai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkâr- haia inthawk chun.

ZEKARIA 14:9

Chun, LALPA chu leihnuoi po po chunga laltak ni tâng a ta, chu nia chun LALPA chu pakhat nîng a ta, a hming khawm pakhat chau nîng a tih.

MALAKI 1:11

Nisa suoknaa inthawka a tlâk- na chenin Jentailhai lai hman ka hming hi a ropui a na; hmun tinahai chun riminhnik dâm ka hminga in- hlân a na, thil inthieng inhlân leh; Jentailhai lai hman ka hming chu a ropui sih a, sipaihai LALPA chun a tih.

MALAKI 1:8

Inthâwina dinga a mitdel in inhlân khan, suol a ni naw bâk chu teh! A damnaw le a kebai in inhlân khan, suol a ni naw bâk chu teh! In rorêltu kuomah va pe hrim ta u, a lo lâwm hrim cheu am? Annawleh, in mi nina chu a lo pawm ding am a nih? sipaihai LALPA chun a tih.

MALAKI 2:1

“Tuhin, aw nangni thiempuhai, hi thutiem hi in ta ding a nih.

MALAKI 3:9

Ṭawngsie chun ṭawngsie inphur in nih; hi hnam pumpui el hin in mîn rûkpêk sih a.

MATTHAI 24:51

tum hni hung insuong a ta, mi vervêkhai chan ang hung inchangtir a tih; chutaka chun ṭap le harâwt chu um a tih.

MATTHAI 5:35

Jerusalem sâlin inkhâm bawk naw ro, achu lal ropuitak khawpui a ni sih a.

MARKA 14:8

A thaw thei ang tâwk a thaw a nih; ka taksa hi phûm dingin a lo nâl lâwk a ni hi.

LUKA 12:46

chu suok pu chu a ring naw niah, a hriet naw kâr hung a ta, bawng hni hung insuong a ta, mi ringum nawhai chan ang hung inchangtir a tih.

2 KORINTH 8:12

Inzona chu a um phawt chun, mi a nei naw sa ni loin, a neizie ang peia a pêk chu lâwm tlâk a ni sih a.

DÂN PAHNINA 28:58

“LALPA in PATHIEN hming ropuitak le ṭiumtak hi in ṭi theina dinga hi lekhabua chuong thil po po hi fîmkhurtaka in zâwm naw chun.

1 TIMOTHE 6:15

Chu inlârna chu a hun taka chun inpâktlâk thuneitu tak chau, laltakhai laltak, lalhai lal chun inentir a ti che.

HEBRAIHAI 12:29

ei Pathien hi mi kâng bohmang mei a ni sih a.

THUPUONGSUO 15:4

Aw Lalpa, tu am i hming inza nawh a, Chawimawi naw ding? Nang chau în thieng si; I thilthaw felhai chu suklang a ni ta leiin, Hnam tinrêngin chibai hung bûk an ti che,” tiin.

THUPUONGSUO 21:8

Amiruokchu, mi dawi dâm, awi- naw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.