MALAKI 1:10 - Pathien Lekhabu Inthieng (BSI)

¹⁰ Nangni laia mi pakhat bêk, ka mâichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai LALPA chun a tih, nangnia hin lâwmna hrim ka nei naw a nih; in kuta thilin- hlân hrim hrim khawm lâwm naw ningah.

MALAKI 1:10 ပူးပေါင်းရင်းမြစ်များ

2 LALHAI 12:6

Nisienlakhawm, lal Jehoas chu kum sâwmhni le kum thum ân lal hnung khawmin thiempuhai chun in sie chu an la siem naw rawp a.

THUVARHAI 15:8

Mi khawhlo inthawina chu LALPA ta dingin tirdakum a na, Mi tluong ṭawngṭâina ruok chu a lâwm zâwng a nih.

JEREMIA 14:10

LALPA chun hi mihai chung- thua chun hieng hin a tih: Invâk invâk hi an nuom zâwngtak a lo ni tah a: an kehai khawm an thunun nawh a; chuleiin, LALPA chun anni chu a pawm nawh a; tuhin an suol- nahai chu hre zing a ta, an suolhai lei chun anni chu hrem a tih.

JEREMIA 14:12

Bu an nghei pha khawm, an khêkri chu ngai naw ning a; in- thâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwl- hnâm le, ṭâm le hripuiin sukbohmang lem ka tih” a ta.

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia in- thawka thiempuhai chen khawmin, mi tin el chun indik lotakin an thawh a.

JEREMIA 6:20

Ram hlataka inthawka mafuhai le, Seba-a inthawka berawhai chu ieng kawngroa ka kuoma hung am an ni leh? In pumrawhmang thilinhlân- hai chu pawm a ni nawh a, in in- thâwinahai khawm chu ka ta dingin lâwmum a ni nawh.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka in- thawka a lien tak chenin, inîtthîk- nain an sip sih a; zâwlneia inthawk thiempu chenin indik lotakin an thaw bawk a.

HOSEA 5:6

An berâm ruolhai le an bâwng ruolhai leh, LALPA zawng dingin fêng an ta; Nisienlakhawm, ama chu hmu nâwng an tih, An kuoma inthawkin ân siekieng tah a nih.

MIKA 3:11

Chutaka hotuhai chun lâwm- man beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “LALPA chu eini lai a um naw am a nih? Thil ṭha naw ei chungah hung tlung naw nih,” tiin LALPA chungah an innghat a nih.

MALAKI 1:13

Chun, ‘Ngai ta u, nghawk a va um ngei de!’ in ta, in hnâr in hnâwt- khum a, sipaihai LALPA chun a tih. Chun, pâwngnêka lâk chu in hung lâk a, a kebai ruol, a damnaw ruol leh; chuong ang chun thilinhlân chu in hung lâk a na, hi in kut thilthaw hi ka pawmpêk ding cheu am a nih? sipaihai LALPA chun a tih.

MALAKI 2:12

LALPA chun hi thil thawtu, inchûktirtu le a închûktir chu, Jakob puon ina inthawk sât thlâng a tih, sipaihai LALPA kuoma thilinhlânhai inhlântua inthawk le chun.

MALAKI 2:13

Chun, hi khawm hi in thaw nâwk bawk a, LALPA mâichâm chu mitthli le, ṭapna le, thuokdawngnain in inkhum a, chuong lei chun thil inhlân chu a ngaisak ta nawin, in kuta inthawkin ṭhain a pawm ta naw hrim hrim a nih.

JOHAN 10:12

Inhlawfa, berâm vêngtu tak ni loa, berâmhai a ta ni lo chun satene hung a hmu chun berâmhai a tlânsan hlak; chun, satene chun berâmhai a seh a, a sukdar hlak;

1 KORINTH 9:13

Thil ser buotsai vêltuhai chun Pathien biekina thil an fâk le mâi- châm rawngbâwltuhai chun, mâi- châm leh chanvo an nei ti in hriet naw am a nih?

PHILIPPI 2:21

An rêngin Isu Krista thil zawng loin, mâni thil an zawng hlak sih a.

HEBRAIHAI 10:38

Nisienlakhawm, ka mi fel chu Ringnain hring a tih; A hnungtawl ruok chun, Ka lungrilin amaa chun lâwmna hrim nei naw ni,”

1 PETER 5:2

Nangni laia Pathien Pâwlhai chu enkawl ro. Thaw ding a ni lei ni loin, Pathien thu anga inhâwk pum lemin, hlêpna tirdakum dit lei ni loin, lungrila inhâwktak lemin,