LUKA 9:32 - Pathien Lekhabu Inthieng (BSI)

³² Peter le a ruolhai ruok chu an inlusuh a; chun, an har phingleh a ropuizie le a kâwla mi pahni ngîr chu an hmu tah a.

LUKA 9:32 ပူးပေါင်းရင်းမြစ်များ

ISAI 60:19

Nisa khi sûna nangma êntu ni ta naw nih a; thla khawm khin varna dingin sukvar ta bawk naw ni che; LALPA ruok chu i ta dingin kum- khuoa vartuah um tâng a tih, I Pathien chu i ropuina dingin um bawk a tih.

DANIEL 10:9

A thuhril ri chu ka la hriet ta rawp a: chun, a thuhril ri chu ka hriet phingleh, hnuoitienga ka hmai in- nghatin ka bawkkhup a, inhniktakin ka in tah a.

DANIEL 8:18

Ka kuoma thu a hril lai chun ka hmai chu hnuoi tieng innghatin in- hniktakin ka in a; nisienlakhawm, a mi them a, a mîn tungtho tah a.

MARKA 14:40

Chun, a hung kîr nâwk chun annirawi chu inin a hung hmu nâwk a, an îmu a suok hle sih a, ama dawn ngaina an hriet nawh a.

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 17:24

Pa, nangin kei i mi pêkhai hi ka umnaah ka kuoma um dingin ka dit; nangin i mi pêk ka ropuina kha an hmuna dingin; leihnuoi insieng hma khawmin nangin i mi hmangai ta sih a.

2 PETER 1:16

Ei Lalpa Isu Krista thil- thawthei zie le a hung nâwkna thu chu kan inhriettir lai cheu khan, tienami vartaka ngaituo suok elhai zâwm kan ni nawh a, a ropuina hmutuhai kan ni lem in sâwnnaw.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri nawh a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni sih a.