LUKA 9:18 - Pathien Lekhabu Inthieng (BSI)

¹⁸ Chun, Isûn a khât chaua a ṭawngṭai laiin, a închûktirhai chu a kuomah an um a, an kuomah, “Mipuihaiin tu am a nih an mi tih a?” tiin ân dawn a.

LUKA 9:18 ပူးပေါင်းရင်းမြစ်များ

MATTHAI 14:23

Chun, mipuihai chu ân ṭîntir hnungin ṭawngṭai dingin tlânga chun a tumin a hang feh a; chun, zântieng a hung ni chun ama chauin chutaka chun a um tah a.

MATTHAI 26:36

Chu zoa chun Isu annihai le chun, hmun pakhat Gethsemane an ti chu an tlung a, chun, ama chun a închûktirhai kuomah, “Sawtaka ka va ṭawngṭai sûng po hitaka hin lo ṭhung ro,” a ta.

LUKA 11:1

Chun, Isu khâwlai hmuna manih a ṭawngṭai a, a ṭawngṭai zo chun a închûktir mi pakhatin a kuomah, “Lalpa, ṭawngṭai dân Johanin a închûktirhai ân chûktir ang khan mîn chûktir ve ta la,” a ta.

LUKA 3:21

Chun, mi po poin baptisma an chang zoin, Isu khawmin baptisma a chang a, a ṭawngṭai a, vân a hung inhawng a,

LUKA 6:12

Chun, chuong lai chun a suok a, ṭawngṭai dingin tlângah a feh a, Pathien kuomah a ṭawngṭai zân- khuoh a.

LUKA 9:19

Chun, anni chun, “ ‘Baptistu Johan,’ an ti cheh a, nisienlakhawm, ṭhenkhatin, ‘Elija,’ ṭhenkhatin, ‘Tien- lai zâwlnei tû amanih a tho nâwk tah a nih,’ an ti che,” tiin an dawn a.

LUKA 9:28

Chun, chuong thu a hrila inthawk ni riet amanih lai hnunga chun, Isûn Peter hai, Johan hai, Jakob hai chu a ṭhuoi a, ṭawngṭai dingin tlângah a hang feh a.

LUKA 9:29

Chun, a ṭawngṭai laiin a hmêl umzie chu a hung danglam a, a silfênhai chu a hung vâr a, mi elkhal theiin a um tah a.