LUKA 8:44 - Pathien Lekhabu Inthieng (BSI)

⁴⁴ ama chu a hnungah a hung a, a puon hmawr a them a, kârloin a thipût chu a bo nghâl tah a.

LUKA 8:44 ပူးပေါင်းရင်းမြစ်များ

FESUOKNA 15:26

ama chun, “LALPA in Pathien rawl chu nguntaka in ngai a, a mit hmuha thildik chu in thawh a, a thupekhai tieng in na in sit a, a dân ziekhai chu in vawng tlat chun, Aigupta mihai chunga kân tlungtir natnahai hrim hrim kha in chungah intlungtir dêr naw ningah: LALPA nangni sukdamtu cheu chu ka ni sih a,” a tih a.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 20:34

Chuongchun, Isûn a lunginsiet bêk bêk a, an mit a them a; chuongchun, an hmu thei nghâl tah a, ama chu an zui tah a.

MATTHAI 8:3

Isûn a hang ban a, a them a, “Ka nuom ie, lo inthieng ta rawh,” a ta, kâr loin a phâr chu a lo inthieng nghâl tah a.

MATTHAI 9:20

Chun, ngai ta, nuhmei pakhat, kum sâwmpahni thipûta damnaw, a hnungah a hung a, a puon hmawr a them a,

MARKA 6:56

Chun, khaw chînhaia dâm, khaw lienhaia dâm, lohaia dâm, khawlai a lûtna taphawta chun damnawhai chu dâwr hmuna dâm an inzâltir tâwl a; a puon hmawr bêk khawm them thei an hnih a. Chuongchun, ama tâwk po chu an dam pei tah a.

LUKA 13:13

Chun, a chungah a kut ân nghat a; chuongchun, kârloin a ngîr tlûn nghâl tah a, Pathien ân pâk tah a.

LUKA 7:38

A hnungah a kepha bula chun ṭap pumin a ngîr a, a mitthliin a kepha a lo far huh a, a samin a hrûk a, a kepha chu a fâwp a, hriek rim inhnik chun a nâl a.

LUKA 8:43

Chun, nuhmei pakhat kum sâwmpahni thipûtin a damnawh a, a sum nei po po dâktawrhai kuomah a sukthâm zo ta sih a, tukhawmin an sukdam thei ta si nawh a;

LUKA 8:45

Chun, Isûn, “A mi them kha tu am a na?” a ta. Chun, “Kei chu ka ni nawh,” an ti seng a. Peter le a ruolhaiin, “Inchûktirtu, mipuihaiin an hneng sup sup cheh a, an bûm tul tul che annâwm,” an ta.

JOHAN 5:13

Nisienlakhawm, sukdama um chun tû a ni a hriet nawh a, chutaka chun mipui an um leiin Isu a fe hmang ta sih a.

THILTHAWHAI 19:12

Chuongchun, a taksaa in- thawka inhrûkna puonhai amanih, fênthuohai amanih damnawhai kuomah an hung chawi a, an natna- hai a bo hlak a, an sûnga inthawkin khawhrihai khawm an suok hlak a.

THILTHAWHAI 5:15

Chuongchun, mi damnawhai khawm kawtthlêrhaiah an zâwn dawk a, khumahai, puonphaahai an inzâltir a, “Peter fe malamin a hlimin a ṭhen bêk a hlie theina dingin,” an ta.

DÂN PAHNINA 22:12

“In inthuomna puon chu a hmawr paliah a hmawrkai in inneitir ding a nih.