LUKA 8:40 - Pathien Lekhabu Inthieng (BSI)

⁴⁰ Chun, Isu a hung kîr nâwk chun mipuiin ama an lâwm a, ama lo nghâk zinga um an ni tâwl leiin.

LUKA 8:40 ပူးပေါင်းရင်းမြစ်များ

THUVARHAI 8:34

Ka thu hretu chu mi hamṭha a nih, Ka dâikawtkhâra ni tina nghâktu, Ka kawtkhâr bienga nghâk zingtu chu.

MATTHAI 9:1

Chun, Isu lawngah a chuong a,dîl chu a râlkai a, a umna khuo chu a tlung a.

MARKA 12:37

“David ngei chun ama chu, ‘Lalpa,’ a ti sih a, khâwlai am a naupa ni hlak a ta?” tîn a dawn a. Chun, vântlânghai chun a thu chu lâwm- takin an ngai a.

MARKA 5:21

Chun, Isu chu lawnga râl khing tieng a hung kai nâwk chun, mipui nasatak a kuomah an hung khâwm a, ama chu dîl panga chun a um a.

MARKA 6:20

Herodin Johan chu mi fel le mi inthiengtak a nih ti a hriet leiin ama chu a ṭih a, a hum tlat sih a, a thu a ngai chun a lunginzîng hle hlak a: nisienlakhawm, lâwm takin a ngai hlak a.

LUKA 19:48

nisienlakhawm, mihaiin ṭha- hnemngaitaka thu an ngai leiin, a thaw ngaina an hriet si nawh.

LUKA 19:6

Chun, inhmawtakin a ṭum a, hlimtakin ama chu ân tlungtir tah a.

LUKA 5:1

Chun, mipuiin Pathien thu an ngai a, ama an bâwr hut hut laiin, ama chu Gennesaret dîl panga chun a ngîr a.

LUKA 8:39

Nisienlakhawm, Isûn, “I in tieng fe la, Pathienin i ta dinga thil a thawpêk che ropuizie hi va hril rawh,” tiin ân fetir tah a. Chuongchun, a feh a, khawpui sûng po poa chun Isûn a ta dinga thil a thawpêk ropuizie chu a khêkpui tah a.

JOHAN 5:35

Chu Johan chu khâwnvar chawktak le var tak a nih, a varah lân sukhlim in nuom kha.

THILTHAWHAI 10:33

Chuleiin, i kuomah mi ka hung tir nghâl tah a nih; i hung hi a ṭha ie. Chuongchun, Lalpain thu a pêk taphawt che hre dingin tuhin Pathien mithmuin kan rêngin hitaka hin kan um a ni hi,” a ta.