LUKA 8:39 - Pathien Lekhabu Inthieng (BSI)

³⁹ Nisienlakhawm, Isûn, “I in tieng fe la, Pathienin i ta dinga thil a thawpêk che ropuizie hi va hril rawh,” tiin ân fetir tah a. Chuongchun, a feh a, khawpui sûng po poa chun Isûn a ta dinga thil a thawpêk ropuizie chu a khêkpui tah a.

LUKA 8:39 ပူးပေါင်းရင်းမြစ်များ

INPÂKNA HLABU 66:16

Hung ta u, Pathien ṭituhai po po, ngai ta u, Chuongchun, ka hringna dinga a thilthaw chu inhriettir ka ti cheu.

MARKA 1:45

Nisienlakhawm, ama chu a suok a, tlânginsamin chu thu chu a phuong dar phut el tah a; chuongchun, Isu chu inphuongtakin khuo a lût thei ta nawh a; thlalêr hmunahai a um lem tah a; chun hmun tina mi a kuomah an hung hlak a.

MARKA 5:18

Chun, lawnga a chuong ding lai takin, khawhri imanpa khan Isu kuoma um zing a ngên a.

MARKA 5:19

Nisienlakhawm, Isûn a phal nawh a, a kuomah, “I ina i ruolhai kuomah fe la, Lalpain thil a thawpêk che hi a ropuizie le a lunginsietzie che hi va hril rawh,” a ti ta lem a.

LUKA 8:38

Chun, khawhri isuoksanpa ruok khan chu Isu kuoma um zing a ngên a.

LUKA 8:40

Chun, Isu a hung kîr nâwk chun mipuiin ama an lâwm a, ama lo nghâk zinga um an ni tâwl leiin.

JOHAN 4:29

“Ka thilthaw taphawt mi hril peitu mi pakhat a um a, hung unla, en ta u, Krista a ni thei âwm am?” a ta.

DÂN PAHNINA 10:21

Ama chu in inpâk ding chu a na, hieng in mita in hmu tah thil ropuitak le râpthlâktakhai thawpêk hlak cheu in Pathien a nih.

1 TIMOTHE 5:8

Nisienlakhawm, tûkhawmin mâ- ni mihai ta ding a ngaituo lâwk naw a, mâni insûnga mihai ta ding hman a ngaituo lâwk naw chun, ringna chu ân phat san a, awi naw mi nêkin a suol lem a nih.