nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.
Lal hmawl chu Judaa inthawk hin bo naw nih a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.
Nisienlakhawm, nang Bethle- hem Ephratha, Juda rama sâng tamtakhai laia ṭhanga chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.
Aw Zion naunu, nasatakin hlim rawh; aw Jerusalem naunu, inring- takin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngai- tlâwmtakin, sabengtung chungah, sabengtungtê chung ngeia hung chuongin.
Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.
Chun, Isu khâwlai hmuna manih a ṭawngṭai a, a ṭawngṭai zo chun a închûktir mi pakhatin a kuomah, “Lalpa, ṭawngṭai dân Johanin a închûktirhai ân chûktir ang khan mîn chûktir ve ta la,” a ta.
Chun, Lalpa chun a kuomah, “Nangni Pharisaihaiin no le thlêng puo tieng chu in sâwp fai hlak luoh a; in sûng tieng ruok chu hlêprûkna le suolin a sip sih a.
Chun, Lalpain, “Sum enkawltu ringum, var tak, a puin a hun poa an bu chan ding sempêk dingin a sûnghai chunga hotua a siem ding chu tû tak am nîng a ta?
Lalpa ruok chun a kuomah, “Nangni vervêkhai, Châwlniin mâni sebâwng amanih, sabengtung ama- nih a bu fâknaa inthawka sûtin, tui dâwn dingin in ṭhuoi dawk seng hlak a ni naw am a nih?
Chun, Lalpa chun, “Anṭam mu mal khat ang ringna in nei chun, hi thingtheihmi kûng kuoma hin, ‘Hung inphawi la, tuisuorietah lo inphun rawh,’ tîng in ta, in thu awi el a tih.
Chun, Zakai chu a ngir a, Lalpa kuoma chun, “Ngai ta, Lalpa, ka sum zâtve pasiehai kuomah pêng ka ta; chun, tu chunga khawm thil ieng khawm lo hlêpru ka ni chun a lêt liin thung nâwk ka tih,” a ta.
Chun, Lalpa chu a nghah a, Peter chu a en a. Peter chun Lalpain, “Vawisûn hin âr a khuong hmain vawi thum mîn phat i tih,” a kuoma a ti thu kha a hung hriet dawk nâwk tah a.
Chun, mihai chu a kuom an hung tlung chun, “Baptistu Johanin, ‘A hung ding chu i ni, mi dang am kan la ngai ding?’ ti dingin i kuomah a mi hung tir a nih,” an ta.
Chun, Nun naupa Josua chun, Shittima inthawk chun mi pahni inrûkin enthlatu dingin a tir a, “A ram le Jeriko khuo dâm chu va en vêl ta u,” tiin. Chun, an va feh a, naw- chizawr pakhat a hming Rahab inah an va lût a, chutaka chun an tlung tah a.