LUKA 7:12 - Pathien Lekhabu Inthieng (BSI)

¹² Chun, kul kawtkhâr kâwl a tlungin, ngai ta, mithi an hung zâwn dawk a, a nu naupa nei sun a na, ama hlak hmeithai a ni sih a; an khuohai tamtak chu a kuomah an um a.

LUKA 7:12 ပူးပေါင်းရင်းမြစ်များ

INṬANNA 22:12

Ama chun, “Naupang chunga khan i kut thlâk naw la, ama kha iengkhawm law naw rawh; i naupasal nei sun khawm mi pêk în ro naw leiin Pathien i ṭi ti tuhin ka hriet tah,” a ta.

INṬANNA 22:2

Chun, Pathien chun, “I naupa, i naupasal nei sun, i lunginsiettak, Isak ngei kha ṭhuoi la, Moria rama chun fe la, chutaka chun tlâng pakhat hril ka ti cheh a, pumrawhmang inhlânah inhlân rawh,” a tih a.

2 SAMUEL 14:7

Chun, ngai ta, an sûngkuo po po chun i suoknu hi an do hrawn a, ‘A unaupa thattu chu, a unaupa a that leia kan that ve theina dingin mi pe raw khai, chuongchun, rohluotu ding khawm sukbohmang nghâl kan tih,’ an ta; chuongchun, ka meiling la um sun chu sukhlum an ta, ka pasal chu hnuoi chunga hming le thla hrim hrim nei loin a um el ding a nih,” a ta.

1 LALHAI 17:12

Ama chun, LALPA i Pathien hringna sâlin ka hril a nih, bei chu chu ka nei nawh a, bêla beiphit vei- khat bak le, bûrah sahriek tlâwmte chau ka nei a; chun, ngai ta, ka feh a, kei le ka naupa ta dinga siemna dingin thingrieu pahni amani chau kân khâwm a na; chuongchun, chu chu fâng kan ta, kan thi el ding a nih,a ta.

1 LALHAI 17:18

Chun, ama chun Elija kuomah, “Aw nang Pathien mi, nang le kei hi ieng am ei ni leh? Ka suolna inhriet- suoktir ding le ka naupa mi thatpêk dinga hung i ni hi tie!” a ta.

1 LALHAI 17:23

Elija chun naupang chu a ṭhuoi a, pindana inthawk chun in sûngah a fe thlâkpui a, a nu a pêk tah a; Elija chun, “En ta, i naupa hi a dam nâwk tah,” a ta.

1 LALHAI 17:9

Tho la, Zidon rama Zarephath khuoah fe la, chutaka chun um rawh; ngai ta, a châwm ding chein hmeithai pakhat thu ka pêk tah,tiin.

2 LALHAI 4:16

Chun, ama chun, “Hi hun pha hin, hun a hung inlet nâwk pha chun naupasal pawm tâng i tih,” a ta. Chun, ama minu chun, “Ni lo e, pu, nang Pathien mi, i siehlawnu kuoma hin khêl hril naw rawh,” a ta.

2 LALHAI 4:20

Chun, ama chun a pawm a, a nu kuom a hang tlungpui chun, a nu khûp chungah nisa inding chen chu a ṭhung a; chun, a thi tah a.

JOB LEKHABU (THE BOOK OF JOB) 29:13

A malsâwmna bohmang ṭêp khawm chu ka kuomah a hungin, Hmeithai lungril chu hlima hlasak dingin kân umtir hlak.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

LUKA 7:11

Chun, sâwt nawteah khaw pa- khat Nain an tia chun a feh a; a închûktirhai le mipui nasatak a kuomah an fe veh a.

LUKA 7:13

Chun, Lalpa chun hmeithai chu a hmu phingleh a lunginsiet bêk bêk a, “Ṭap naw,” a ta.

LUKA 8:42

naunu khât kum sâwmpahni lai ding hi a nei a, ama chu thihmun- suolin a zâl zing leiin. Chun, Isu a fe laiin mipuihaiin an hneng sup sup a.

LUKA 8:52

Chun, an rêngin an lo ṭap rak rak a, an âwm an inchum a; chuongchun, ama chun, “Ṭap naw ro, a thi nawh, a in innghil a ni lem,” a ta.

JOHAN 11:19

chuongchun, an ṭapa thi chunga sukthlamuong dingin Judahai rawi tamtak Martha le Mari kuomah an hung a.

THILTHAWHAI 9:39

Chun, Peter chu a tho a, anni leh a fe ve tah a. Chun, a tlung phingleh pindan chunghnunga chun an ṭhuoi a; hmeithai po po chu a kâwla ngîrin, Dorka an kuoma a um laia a zakuo siemhai, a puon siemhai inentir pumin an ṭap tâwl a.

THILTHAWHAI 9:41

Chun, Peter chun a kut a pêk a, a keitho tah a; chun, mi inthienghai le hmeithaihai chu a ko a, damin a khîkhmuh a.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai loa in- siem hi.