LUKA 6:49 - Pathien Lekhabu Inthieng (BSI)

⁴⁹ Amiruokchu, hrea zâwm naw chu, lung phûm loa, hnuoi chung ela in bâwltu ang chu an nih; tuihrâtin chu chu a khawh a, a chim nghâl tah a: a chim chu nasatak a nih,” a ta.

LUKA 6:49 ပူးပေါင်းရင်းမြစ်များ

THUVARHAI 28:18

Tukhawm tluongtaka fe mi chu sanhim nîng an ta, A lampuihaia pêthmangtu ruok chu, kârloin tlu nghâl a tih.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si loin; an bau chun nasatakin hmangaina an inlangtir a, amiruok- chu, an lungrilhai chun an hlâwkna chu a hnawt sih a.

HOSEA 4:14

In naunuhmeihaiin nawchi an zawr a, In mohaiin uiret an chîng khawma hrem naw ning, Anni ngei khawm nawchi- zawrhai leh an fe pêt a, Nawchizawrhai leh an inthâwi hmunkhat sih a; Hrethiem lo mipuihai chu tlu sieng an tih.

MATTHAI 23:3

Chuleichun, thaw dinga an hril taphawt cheu chu zâwm unla, thaw pei ro, an thilthaw ang ruok chu thaw ve naw ro, hril chu an hril hlak a, an thaw ngai si nawh a.

MATTHAI 24:10

Chu phâ chun mi tamtak tlûng an ta, inmantir tuo tâwl an ta; intheida tuo tâwl an tih.

MARKA 4:17

nisienlakhawm, annia chun zung hrim an nei nawh a, sâwt nâwte chau an um a, thu leia rinumna amanih, suknawmnatna amanih a hung um phing leh an tlu nghâl el hlak a nih.

LUKA 12:47

Suok a pu dit zâwng hre zing sia, lo inring loa, a pu dit zâwng ang khawma thaw lo chu, vawi tamtak vuong an tih.

LUKA 19:14

Nisienlakhawm, a khuohaiin an theidah a, ‘Hi mipa hi kan lal dingin kan dit nawh,’ ti dingin a hnungah palai an intlântir veh a.

LUKA 19:27

Nisienlakhawm, hieng a mi dotuhai an lal dinga mi dit nawhai hi hung ṭhuoi unla, ka hmaah that ro,’ a tih a,” a ta.

LUKA 6:46

“Chun, nangnîn ieng dinga ka thu zâwm si loa, ‘Lalpa, Lalpa,’ in mi ti hlak am?

LUKA 6:48

In bâwltu, inthûktaka choa, lungpui chunga lungphûm remtu ang chu an nih. Chun, tui a hung lienin tui hrâtin chu in chu a khawh a, a sukhnîng thei nawh a, a bâwl ngun leiin.

LUKA 7:1

Chun, mihai hrieta a thu po po a hril zoin, Kapernaumah a lût a.

JOHAN 15:2

Ka zawmpui kâu ra naw taphawt chu a peihâwn hlak; a ra taphawt chu a sukthieng hlak, a ra tam nâwk zuolna dingin.

THILTHAWHAI 20:29

Ka fe hnungin satene hrânghai nangni lai hung lût an ta, pâwlruol chu hla naw ni hai ti ka hriet.

THILTHAWHAI 26:11

Chun, inkhâwmna in tinah ka hrem rawp hlak a, Pathien inhril- siettir ka tum hrâm hlak a; an chungah ka rilo bêk bêk a, ram dang khuo chena khawm ka suknawmna hlak a.

1 THESSALONIKA 3:5

Chuleichun, ka tuor zo ta naw phingleh, thlêmtu chun thlêm thlu hlau rawi a ti cheu a, kan sin inrimna chu thlâwn rawi a tih, tiin in ringzie ka lo hriet theina dingin mi ka hung tir a nih.

2 PETER 2:20

Lalpa le Sandamtu Isu Krista an hriet leia khawvêl inthieng nawnahai an tlân suok san hnungin chutaka bawk chun an intâng nâwk a, ngama an um nâwk si chun, an umze nuhnung chu a tîra nêk chun a hung se ta lem nîng a tih.

1 JOHAN 2:19

Anni chu eini laia inthawkin an suok a, nisienlakhawm, eini mi tak an ni nawh; eini mi tak ni hai sienla, eini kuomah an um ve pei ding a ni sih a. Nisienlakhawm, an rêngin eini mi tak an ni naw vawng ti ân lang fel theina dingin an mi suoksan ta a nih.