LUKA 6:37 - Pathien Lekhabu Inthieng (BSI)

³⁷ “Sawisêl naw ro, chuongchun, sawisêlin um naw ti niu. Tukhawm thiemnawah ruot naw ro, chuongchun, inthiemloin um naw ti niu. Ngaidam ro, chuongchun, ngai- damin um in tih.

LUKA 6:37 ပူးပေါင်းရင်းမြစ်များ

ISAI 65:5

“Nanga khât chauin ngîr rawh, mi hung hnai naw, nanga nêk chun kân thieng lem hi,” ti hlaktuhai chu an nih; chuonghai chu ka hnâra meikhu um, sûnnithlâka mei hring zing hlak chu a nih.

MATTHAI 18:30

Nisienlakhawm, a nuom nawh a; a ibat chu a tlâk hmakhat chu intângna inah a va khum tah a.

MATTHAI 5:7

“Mi chunga zângaitheitakhai chu an hamṭha; zângaina an la hlaw ding a ni sih a.

MARKA 11:25

Chun, ṭawngṭai dinga in ngîr pha po leh tu chunga khawm thupawi ieng am a nih in nei chun ngaidam ro; vâna in Pa khawmin in bawsietnahai chu a ngaidam theina ding cheu in.

LUKA 23:16

Vuong ka ta, kân suo nâwk el ding a nih,” a ta.

LUKA 6:36

In Pain mî a lunginsiet angin mî lunginsiet ve ro.

THILTHAWHAI 3:13

Abraham hai, Isak hai, Jakob hai Pathien, ei thlatuhai Pathien chun, a siehlaw Isu chu a chawimawi ta a ni hi; ama chu in inmantir a, Pilatin insuo a tum khawmin a hmaah in lo dit naw kha.

EPHESI 4:32

Chun, inlunginsiet tuoa, lainat- na neiin um unla, Pathienin Kristaa a ngaidam ang bawk cheuin inngai- dam tuo ro.

KOLOSSA 3:13

Tûkhawmin tu chunga khawm thupawi nei ang unla, indaw tuoin, inngaidam tuo unla, Lalpa chun a ngaidam ang tak cheu khan ngaidam ve ro.

JAKOB 2:13

Mi chunga lunginsietna nei naw chu, lunginsietna ṭhang loa rorêl pêkin um a tih, lunginsietna chu rorêlna chunga chun ân suong hlak a nih.

JAKOB 5:9

Unauhai, thiemnaw changa in um nâwna dingin inchier khum naw ro; ngai ta u, rorêltu chu kawtkhâr bulah a ngîr zing a nih.