LUKA 6:28 - Pathien Lekhabu Inthieng (BSI)

²⁸ ṭawngsie inphurtuhai cheu chu malsâwmpêk unla, a sawisatuhai cheu chu ṭawngṭaipêk ro.

LUKA 6:28 ပူးပေါင်းရင်းမြစ်များ

1 LALHAI 13:6

Chun, lal chun a dawn a, Pathien mi kuoma chun, “Ka kut hi a hung dam nâwk theina dingin LALPA i Pathien ngên la, mi ṭawngṭaipêk ta khai,” a ta. Chun, Pathien mi chun LALPA kuoma chun a ngên a; chun, lal kut chu a hung dam nâwk tah a, a hma ang bawkin a hung um nâwk tah a.

EZEKIEL 25:15

“Lalpa PATHIEN chun hieng hin a tih: Philistin mihai chu phuba lâk angin an lo sawisakin, theida zing zinga sukse dingin lungrila hmusit pumin phuba an lo lâk a,

EZEKIEL 36:5

Lalpa PATHIEN chun hieng hin a tih: Matheiloin, hnam la um sunhai chunga le, Edom po po chungah ka thîkna meiin thu hril ngei ka ta; anni chun an lungril inhawi ti zâwng ang po poa nei dingin lungrila hmusitna le, fâk zoa um dinga pei suok el dingin ka ram chu an lo ruot tah a.

MATTHAI 5:44

Kei ruok chun ka hril cheu hi, in hmêlmahai chu hmangai unla; a suk- nawmnatuhai cheu chu ṭawngṭai- pêk ro;

LUKA 23:34

Chun, Isûn, “Pa, anni hi ngaidam rawh, an thilthaw hi an hriet naw a ni hi,” a ta. Chun, a silfênhai chu an insemin ai an sân a.

LUKA 6:27

“Ka thu ngaituhai, ka hril cheu hi, in hmêlmahai chu hmangai unla, a theidahai cheu chu an ṭhatna ding thaw unla,

LUKA 6:35

Amiruokchu, in hmêlmahai hmangai unla, an ṭhatna ding thaw unla, inpûktir ro, beidawng dêr loin; chuongchun, in lâwmman tam a ta, Achunghnungtak nauhai ni bawk in tih; ama chun mi lâwmnachâng hre lohai le mi suolhai a lunginsiet hlak.

THILTHAWHAI 14:5

Chun, Jentailhai, Judahai, an hotuhai le chun, tirkohai chu inzakumtaka siem le lunga dêng tuma an thaw ding laiin anni chun an lo hriet a,

THILTHAWHAI 7:60

Chun, a dingṭhaṭhuon a, rawl inringtakin a khêk a, “Lalpa, hi an thil suksuol hi an chungah maw inphurtir naw rawh,” a ta. Chu thu chu a hril zo phingleh a ininnghil tah a. Saula khawm chun a thi chu a remtih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:14

A suknawmnatuhai cheu chu malsâwmpêk unla, ṭawngsie chu in phur naw ro.

1 KORINTH 4:12

mâni kuta sin thawin kan inrim hle hlak a, miin an mi halin mal kan sâwmpêk a, miin an mi suknawmna leh kan tuor fan fan a;

JAKOB 3:10

Bau hmunkhata inthawkin in- pâkna le ṭawngse inphurna a suok hlak. Ka unauhai, chuong thil chu chuong ang chu a ni ding a ni nawh.

1 PETER 3:9

Suol suolin thung naw unla, halna halna bawkin thung naw ro; malsâwm hlau lem ro. Hi hi lei hin ko in ni si, malsâwmna chang dingin.