LUKA 6:21 - Pathien Lekhabu Inthieng (BSI)

²¹ “Nangni tuta phîngṭamhai, in hamṭha ie; in la khawp ding a ni sih a. “Nangni tuta ṭaphai, in hamṭha ie; in lân nui ding a ni sih a.

LUKA 6:21 ပူးပေါင်းရင်းမြစ်များ

INṬANNA 17:17

Chuongchun, Abraham chu a bawkkhup a, ân nui a, a lungrilin, “Kum za mi hin nau a nei ding am a nih? Sara kum sawmkuo mi chun nau a nei ding am a nih?” a ta.

INṬANNA 21:6

Chun, Sara chun, “Pathienin a mi suknui tah; mi tin a hre taphawt chun mîn nuipui an tih,” a tih a.

INPÂKNA HLABU 107:9

Ama chun hringna thil châk êm êm chu a sukkhawpin, Hringna phîngṭâm chu ṭhatnain a sukkhawp sih a.

INPÂKNA HLABU 119:136

Ka mitthli hi vadung tui angin a luong thlah a, I dân an zâwm naw leiin.

INPÂKNA HLABU 143:6

Ka kuthai hi nanga tieng ka phar hlak a, Ka hringna hi ram châutak angin, nangmaah a dangchâr hlak.

INPÂKNA HLABU 17:15

Kei ruok chun felna neiin i hmêl hmûng ka ta, Nanga angna neia ka meng pha chun lungawi tâwk zet tâng ka tih.

INPÂKNA HLABU 28:7

LALPA chu ka hrâtna le ka phaw a na, Ka lungril hin ama chu a ring a; chuongchun, sanin ka um a, Chuleiin, ka lungril hi nasatakin a hlim a, Ka hla chun ama inpâk ka tih.

INPÂKNA HLABU 65:4

Mi, i biekin inhuonna sûng tuollaia um thei dinga, I thlanga, i kuom tieng i înpantir chu a hamṭha: I in ṭhatna chun tlai kan ta, I biekin hmun inthieng ṭhatna chun.

ISAI 25:6

Chun, hi tlânga hin sipaihai LALPA chun mi tinrênghai ta dingin thil thauhaiin ruoi ṭhêng a tih, uoin- hai a fe le inchie zing, thil thautakhai thlina sip, uoinhai a fe le inchie zing ṭhataka thlit fai chu.

ISAI 30:19

Mihai chu Jerusalema Ziona chun an um ding a ni sih a; ṭap nâwk ta naw ti niu a, in khêk ria chun ama chun lunginsiet ngei ngei a ti cheu a, a hriet phingleh dawn a ti cheu.

ISAI 66:10

“Jerusalem hmangaitu po po- hai, Jerusalem chu hlimpui unla, lâwmpui ro; ama sûntu po pohai, lâwm leiin hlimpui ro;

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; LALPA berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 31:25

Mi chauhai chu ka suktlai a, mi lungngai tinhai khawm chu ka sukhar bawk a.

JEREMIA 31:9

Ṭap pumin hung an ta, thla- muongtakin anni chu ṭhuoi ka ta, tuihai vadungpuihai sîra chun, lam- pui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni sih a.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

EZEKIEL 7:16

Nisienlakhawm, chutaka lo suokthleng chu suokthleng an ta, vaṭhu angin tlângahai chun um an ta, an rêng el chun sûn an tih, mi tinin mâni suolna seng chu.

EZEKIEL 9:4

Chun, LALPA chun a kuoma chun, “Khawpui laia chun, Jerusalem laia chun fe suok la, chu sûnga tirdak- umnahai thawa um tahai po po leia khêk a, thuokdawnghai mi chuonghai bâwkhaia chun inchikna sie rawh,” a tih a.

MATTHAI 5:4

“Thlainvaihai chu an hamṭha; thlamuongin an la um ding a ni sih a.

MATTHAI 5:6

“Felnaa phîngṭâma dangchârhai chu an hamṭha; an la tlai ding a ni sih a.

LUKA 1:53

Phîng ṭamhai chu thil ṭhatakin a sukkhawp tah a, Hausahai chu kutruokin ân fe hmangtir tah a.

LUKA 6:20

Chun, a dâk suok a, a închûk- tirhai chu a en a, “Nangni rimsihai, in hamṭha ie, Pathien ram in ta a ni sih a.

LUKA 6:22

“Mihriem Naupa leia mihaiin an theida cheu a, an tuithlâra an hal cheu a, in hming a ṭha nawh tia an pei hmang dêr phaleh in la hamṭha ding a nih.

LUKA 6:25

“Nangni tuta khawphai, in chung a rik ie; in phîng a la ṭâm ding a ni sih a. “Nang ni tuta innuihai, in chung a rik ie; lungngaiin in la ṭap ding a ni sih a.

JOHAN 11:35

Isu a ṭap tah a.

JOHAN 4:10

Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.

JOHAN 6:35

Chun, Isûn an kuomah, “Kei hi hringna bei chu ka nih, tûkhawm ka kuoma hung chu phîngṭâm naw ni, tûkhawm a mi ring chu iengtika khawm dangchâr naw ni.

1 KORINTH 4:11

Tu chen khawm hin, kan phîng a ṭâmin kan dang a châr a, silfên kan khawp nawh a, mi kut inthak nûlna kan na, umna bulbâl kan nei nawh a,

2 KORINTH 11:27

sâwlnaa le sininrimnaahai, in- theinawnaahai vawi tamtak, phîng- ṭâm le dangchârnaahai, bungheinaa- hai vawi tamtak, khawsik le saruoka umnaahai dâm ka um hlak.

2 KORINTH 12:10

Chuleiin, Krista leiin hrâtnaw- naahai, sietnaahai, hnengdenaahai, suknawmnatnaahai, hnawchêpnaa- hai, ka lâwm hlak a nih; ka hrât naw po leh ka hrât hlak a nih.

2 KORINTH 6:10

lungngai angin, nisienla- khawm, lâwm rawp siin; pasie angin, nisienlakhawm, mi tamtak sukhausa siin; iengkhawm neilo angin, iengkim hau siin.

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangai- tuhai kuoma a tiem chu a hmu ding a ni si.

THUPUONGSUO 21:3

Chun, lalṭhungphaa inthawkin rawl inring tak ka hriet a, “Ngai ta, Pathien bâwkte chu mihriem lai a hung um tah, Ama chu an kuomah um a ta, Anni chu a mihai nîng an ta, Pathien ngei chu an kuomah um a ta, An Pathien ni bawk a tih;

THUPUONGSUO 7:16

An phîng ṭâm ta naw nih a, dangchâr ta bawk naw ni hai; nisain em naw nih a, lum hrim hrim khawm- in sukrinum ta bawk naw nih.