LUKA 5:5 - Pathien Lekhabu Inthieng (BSI)

⁵ Chun, Simonin a kuomah, “In- chûktirtu, inrimtakin zânkhawvârin kan thawh a, iengkhawm kan man nawh a; nisienlakhawm, i thuin lênhai dêng nâwk ka tih,” a ta, a dawn a.

LUKA 5:5 ပူးပေါင်းရင်းမြစ်များ

EZEKIEL 47:10

Chun, nga mantuhai chu a sîra chun ngîr an ta, En-gedia inthawka En-eglaim chenin lênhai dêngna hmun a ni ding a nih; an ngahai chu chi tum tum, tuisuoriet lientak nga- hai angin a tama tam nîng an tih.

LUKA 17:13

chun, râwl inringtakin, “Isu inchûktirtu, mi lunginsiet rawh,” an ta.

LUKA 8:24

Chun, a kuomah an va feh a, an keitho a, “Inchûktirtu, Inchûktirtu, kan bohmang ding a ni hi teh,” an ta. Chun, ama chu a hung har a, thli le tuifâwn chu a hal tah a; chun, a mah a, a re tah a.

LUKA 8:45

Chun, Isûn, “A mi them kha tu am a na?” a ta. Chun, “Kei chu ka ni nawh,” an ti seng a. Peter le a ruolhaiin, “Inchûktirtu, mipuihaiin an hneng sup sup cheh a, an bûm tul tul che annâwm,” an ta.

LUKA 9:33

Chun, anni chun Isu an mâksan ding laiin, Peterin Isu kuomah, “Inchûktirtu, ei ta dingin hitaka um zing hi a ṭha; bâwkte pathum khâwng kan tih, i ta dingin pakhat, Elija ta dingin pakhat, Mosie ta dingin pakhat,” a ta, a thu hril khawm hre loin.

LUKA 9:49

Chun, Johan chun, “Inchûktir- tu, tu amanih i hminga khawhrihai hnawt dawk kan hmuh a, kan zuina cheah a ṭhang ve naw leiin kan khap el annaw,” a ta, a dawn a.

JOHAN 15:14

Thu ka pêk taphawt cheu in thaw chun, ka ruolhai nîng in tih.

JOHAN 2:5

Chun, a nu chun rawngbâwltu- hai kuomah, “In kuoma a hril taphawt chu thaw pei ro,” a ta.

JOHAN 21:3

Simon Peter chun an kuomah, “Nga manin ka fe ding a nih,” a ta. Anni chun a kuomah, “Keini khawm i kuomah hung vêng kan tih,” an ta. An fe suok a, lawngah an chuong a; chu zân chun iengkhawm an man nawh.