LUKA 5:26 - Pathien Lekhabu Inthieng (BSI)

²⁶ Chun, an rêngin mak an ti hleh a, Pathien an inpâk a, “Vawisûn chu thil maktak ei hmu a nih,” an tih a, an ṭi bêk bêk a.

LUKA 5:26 ပူးပေါင်းရင်းမြစ်များ

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

HOSEA 3:5

Chu hnunga chun Israel thlahai chu hnungkîr an ta, LALPA an Pathien le an laltak David chu zawng an ta; ni nuhnunghaia chun LALPA le a ṭhatna chu inthin pumin pan an tih.

MATTHAI 12:23

Chun, mipuihai po po chun mak an ti hle a, “Hi mipa hi David naupa chu a ni naw am a nih?” an ta.

MATTHAI 28:8

Chun, ṭi le lâwm bêk bêk pumin thlâna inthawk chun an fe vat vat a, a închûktirhai hril dingin an tlân tah a.

MATTHAI 9:8

Chun, mipuihai chun chu chu an hmuin an ṭi a, mihriemhai kuoma chuong ang thuneina petu Pathien chu an inpâk a.

MARKA 2:12

Chuongchun, ama chu a tho a, a puonpha chu a lâk a, an rênga mithmu ngei chun a suok tah a; chuongchun, an rêngin mak an ti hle a, “Hieng ang hrim hrim hi ei la hmu ngai nawh,” tîn Pathien an inpâk tah a.

LUKA 1:65

Chun, an vêla umhai po po chun an ṭi tah a. Chun, chuong thu chu Judai ram thingtlâng po poah ân thang tah a.

LUKA 5:8

Chun, Simon Peterin chu chu a hmu chun, Isu khûp bulah a bawkkhup a, “Lalpa, mi fe san rawh, mi suol ka ni hi,” a ta.

LUKA 7:16

Chun, mi po poin an ṭih a, Pathien an inpâk a, “Eini lai zâwlnei ropuitak a hung um ta a ni hi,” an ta. “Pathienin a mihai a hung sîr tah a nih,” an ti bawk a.

LUKA 8:37

Chun, a vêl Gerasin mihai rama mi po po chun an ṭi ta bêk bêk leiin, ama chu an kuoma inthawka fe hmang dingin an ngên a; chun, lawngah a chuong a, a kîr nâwk tah a.

THILTHAWHAI 4:21

Chun, anni chun an vau nâwk zuol a, an insuo tah a. Mipui leiin hremna remchâng an hmu nawh; an thilthaw lei khan mi po poin Pathien an chawimawi sih a.

GALATI 1:24

Chun, keia leiin Pathien an chawimawi tah a.