LUKA 5:22 - Pathien Lekhabu Inthieng (BSI)

²² Chuongchun, Isûn an ngaituo chu a hriet a, an kuomah, “In lungrilah ieng am in ngaituoh a?

LUKA 5:22 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; LALPA chun lungril sûng po po chu a zawng suok hlak a, lungrila tumhai khawm chu a hriet hlak sih a; ama chu i zawng chun, i hmuah um ngei a ta; amiruok- chu, ama chu i nghatsan chun, ama khawmin kumkhuoa dingin pei thla vêng a ti che.

INPÂKNA HLABU 139:2

Nangin ka ṭhung le ka ngîr hi i hriet hlak a, Ka ngaituona hi hlataka inthawk khawmin i hriet thiem hlak.

THUVARHAI 15:26

Remruotna rilohai hi LALPA ta dingin tirdakum a na, Thu lâwmumhai ruok chu ân thieng.

ISAI 66:18

An thilthawhai le an ngaituohai chu ka hriet sih a; hnam tinrêng le ṭawng tinrêng ka ṭhuoi khâwm hun a la hung tlung ding a nih; chuongchun, hung an ta, ka ropuina hmûng an tih.

EZEKIEL 38:10

“Lalpa PATHIEN chun hieng hin a ti a nih: Chu ni chun chuong chu hung tlung a ta, thilhai chu i lungrila chun hung lût a ta, ngairuotna rilo ngairuot i ta,

MATTHAI 12:15

Nisienlakhawm, Isûn chu chu a hrietin, chutaka inthawk chun a fe hmang tah a.

MATTHAI 12:25

Chun, Isûn an ngaituohai chu a lo hriet a, an kuomah, “Khâwlai ram khawm mâni indo taphawt chu an bo hlak; khâwlai khuo khawm sûngkhat khawm, mâni indo taphawt chu ngîr suok naw ni hai.

MATTHAI 9:4

Isûn an ngaituohai chu a lo hriet a, “Iengdinga in lungrila suol in ngaituo am a na?

MARKA 8:17

Chun, Isûn chu chu a lo hriet a, an kuomah, “Bei in nei naw leisek chun iengdinga in inngaituo am? Tu khawm hin in lungrilin in la hriet rawp naw maw? In lungril chu in sukngar ta am a nih?

LUKA 24:38

Chun, ama chun an kuomah, “Iengdinga in lunginzîng am? Ieng- dinga in lungrila ringhlâna a hung um am?

LUKA 5:21

Chun, Dân inchûktirtuhai le Pharisaihai chun, “Pathien hrilsie hi tu am a ni leh? Pathien chau naw chun tuin am suolhai a ngaidam thei a?” tiin an ngaituoh a.

LUKA 5:23

‘I suolhai ngaidam a ni tah,’ ti le, ‘Tho la kein fe rawh’ ti hi a ieng am hril a awl lem a?

THILTHAWHAI 5:3

Nisienlakhawm, Peterin, “Ana- nia, Thlarau Inthieng hlêm ding le, hnuoi man a ṭhen ip dingin iengdinga Setanin I lungril a suksip am a na?

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.