LUKA 4:35 - Pathien Lekhabu Inthieng (BSI)

³⁵ Chun, Isûn a hal a, “To la, a sûnga inthawkin hung suok rawh,” a ta. Chun, khawhri chun a laiah a sukthlûk zet a, sukna loin a sûnga inthawk chu a hung suok tah a.

LUKA 4:35 ပူးပေါင်းရင်းမြစ်များ

INPÂKNA HLABU 50:16

Mi rilo kuoma ruok chun Pathienin, “Ka thuruothai hrilsuok theina i nei am a nih? Annawleh, ka thuthlung hi iengtizieha i baua sâm am i ni a?

ZEKARIA 3:2

LALPA chun Setan kuoma chun, “Aw Setan, LALPA chun a kâwk che hi! Anih, LALPA Jerusalem thlangtu chun a kâwk cheu a nih! hi hi meia inthawka a kâng lai lâk suok a ni naw am a nih?” a ta.

MATTHAI 17:18

Chun, Isûn khawhri chu a hal a, a sûnga inthawk chun a suok tah a; chu dâr chena inthawk chu naupang chu a hung dam tah a.

MATTHAI 8:26

Ama chun an kuomah, “Ringna tlâwmhai, iengdinga in ṭi?” a ta. Chuongchun, a tho a, thli le dîl chu a hal a, chun, a hung re ta duok el a.

MARKA 1:26

Chun, khawhri inthieng naw chun ama a sawisah a, inringtakin a khêk a, a sûnga chu a hung suok tah a.

MARKA 4:39

Chun, ama chu a hung har a, thli chu a hal a, dîl kuoma khawm chun, “To la, um ṭawk ṭawk rawh,” a ta. Chun, thli chu a ma a, a hung re ta ṭhup el a.

MARKA 9:26

Chuongchun, a khêk suok a, nasataka a sawisak zo chun a hung suok tah a, chun, naupang chu thi ang elin a um a, chuongchun, mi tam lem chun, “A thi a nih,” an tih a.

LUKA 11:22

nisienlakhawm, ama nêka hrât lemin a hung thawh a, a hne pha chun, ân ringna râlthuom famkim chu a lâkpêk a, a râllâk thil chu a sem dar hlak.

LUKA 4:23

Chun, ama chun an kuomah, “Hi ṭawngbau hi, ‘Dâktawr, nang in- sukdam rawh,’ ‘Kapernauma i thil- thaw kan lo hriet taphawt kha, nangma khuo tieng khawm hin thaw ve rawh,’ tiin in mi la ti ngei âwm de hi,” a ta.

LUKA 4:39

Chun, a kâwlah a ngîr a, khawsik chu a hal a, a bo tah a; chun, a tho nghâl tah a, an rawng a bâwlpêk a.

LUKA 4:41

Chun, khawhrihai khawm, “Pathien Naupa i nih,” tia khêkin, mi tamtak sûnga inthawkin an hung suok a. Chun, anni a hal a, Krista a nih ti an hriet leiin an ṭawng a phal nawh a.

LUKA 8:24

Chun, a kuomah an va feh a, an keitho a, “Inchûktirtu, Inchûktirtu, kan bohmang ding a ni hi teh,” an ta. Chun, ama chu a hung har a, thli le tuifâwn chu a hal tah a; chun, a mah a, a re tah a.

LUKA 9:39

Ngai ta, khawhriin a man hlak a, a khêk suok thut hlak, chuong- chun, a chilhuom tla khawpin a sawisa hlak a, nasataka sukhliemin a mâksan ṭâwk hlak.

LUKA 9:42

Chun, a hung laiin, khawhri chun a sukthlûk rak a, nasatakin a sawisa tah a. Nisienlakhawm, Isûn khawhri inthieng naw chu a hal a, naupang chu a sukdam a, a pa kuoma chun ân fetir nâwk tah a.

THUPUONGSUO 12:12

Chuleiin, aw vânhai le a sûnga umhai, lâwm ro! Hnuoi le tuisuoriet, in chung a rik ie! Diebol chun hun tlâwmte chau a nei ti ân hriet leiin lunginsen bêk bêka in kuoma a hung thla ta leiin,” a ti ka hriet a.