LUKA 4:23 - Pathien Lekhabu Inthieng (BSI)

²³ Chun, ama chun an kuomah, “Hi ṭawngbau hi, ‘Dâktawr, nang in- sukdam rawh,’ ‘Kapernauma i thil- thaw kan lo hriet taphawt kha, nangma khuo tieng khawm hin thaw ve rawh,’ tiin in mi la ti ngei âwm de hi,” a ta.

LUKA 4:23 ပူးပေါင်းရင်းမြစ်များ

MATTHAI 13:54

Chun, a umna khuo tieng chu a tlung a, an inkhawmna ina chun anni ân chûktir tah a; chuongchun, mak an ti hle a. “Hi mipa hin, hieng varna le, thilmak thaw theinahai hi, khâw- laia inthawka a hmu am a ni leh?

MATTHAI 4:13

chun, Nazareth a mâksan a, Kapernaumah a um ta zing a, chu chu Zebulun le Naphtali biela dil panga um a nih:

MATTHAI 4:23

Chun, Isûn an inkhawmna inhaia inchûktirin, ram Chanchin Ṭha chu hrilin mihai laia natna tinrêng le hrât nawna tinrêng suk- damin Galili ram po po a fang pei a.

MARKA 6:1

Chutaka chu a suok a, a umna khuo tieng chu a tlung nâwk tah a; inchûktirhai chun an zui pei a.

LUKA 2:39

Chun, Lalpa dân ang peia thil po po an thaw zoin, Galili rama anni khuo Nazaretha chun an kîr nâwk tah a.

LUKA 2:51

Chun, anni chu a zui thlâk a, Nazareth chu a hung tlung a, an thu zâwmin a um a. Chun, a nu chun chuong thil po po chu a lungrilah a vawng zing a.

LUKA 4:16

Chun, a seilienna khuo Nazareth chu a hung tlung a; Châwl- nia a thaw dân pângngaiin inkhâwm- na inah a lût a, tiem dingin a ngîr a.

LUKA 4:31

Chun, Galili rama khuo pakhat, Kapernauma chun an zu feh a, Châwlni chun mihai ân chûktir a;

LUKA 4:35

Chun, Isûn a hal a, “To la, a sûnga inthawkin hung suok rawh,” a ta. Chun, khawhri chun a laiah a sukthlûk zet a, sukna loin a sûnga inthawk chu a hung suok tah a.

LUKA 6:42

Mâni mita tlungpûm um chu hmu si loin, i unau kuomah, ‘Unau, i mita hmawl hlek um kha mîn lâk dawk tir rawh,’ iengtin am i ti thei a? Mi vervêk! i mita inthawkin tlung- pûm kha la dawk hmasa rawh, chuongchun, i unau mita inthawka hmawl hlek lâk dawk ding chu fietakin hmu thei i tih.

JOHAN 4:28

Chun, nuhmei chun a tuibêl a mâksan a, khuoah a feh a, mihai kuomah,

2 KORINTH 5:16

Chuleichun, tuta chena hin, keini chun tisa tienga chun tûkhawm hre ta naw ning ungah; tisa tiengah Krista chu lo hre ta inlang khawm, tuhin chu kan hriet nâwk ta nawh.