LUKA 3:16 - Pathien Lekhabu Inthieng (BSI)

¹⁶ Johan chun a dawn a, an rênga kuomah, “Kei chun chu tuiin ka baptis hlak cheu a; nisienlakhawm, keia nêka ropui lem a hung ding a nih, a kekawk hrui sût tlâk khawm ka ni nawh; ama chun Thlarau Inthieng le meiin baptis a ti cheu a,

LUKA 3:16 ပူးပေါင်းရင်းမြစ်များ

THUVARHAI 1:23

Ka kâwknaa hin nghakîr unla, Ngai ta u, in kuoma chun ka thlarau chu hung buok ka ta, Ka thuhai chu in kuomah inhriettir ka ti cheu.

ISAI 32:15

Chung tienga thlarau chu ei chunga bura a um a, thlalêr chu hnuoi ṭhatak hmuna ân chang a, hnuoi ṭhatak hmun chu rampuia ngaia a um hmakhat chun.

ISAI 4:4

LALPAIN rorêlna thlarau le kângna thlaraua Zion naunuhai in- thieng nawna chu a sâwpfai hnung le Jerusalem thisen chu a sûnga inthawka a sâwpfai hnunga chun.

EZEKIEL 36:25

Tui inthieng chu thinkhum ka ti cheu a, inthieng tâng in tih; in in- thiengnawna po poa inthawk le in milimhai po poa inthawkin sukthieng ka ti cheu.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni ang- in fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘LALPA chu ka Pathien a nih,’ mi tîng an tih,” a ta.

MATTHAI 3:11

Kei chun chu simna dingin tuiin ka baptis hlak cheu a; nisienla- khawm, ka hnunga hung ding chu keia nêkin a ropui lem a, a kekawk chawi tlâk khawm ka ni nawh. Ama chun Thlarau Inthieng le meiin baptis a ti cheu.

MATTHAI 3:12

A kutin a leipup a chawi a, a hrizâwl zâp fai hieu a ta, a pangah a bû hlûng a ta, a si ruok chu mei rêm thei loin raw hmang a tih,” a ta.

JOHAN 1:26

Chun, Johan chun an kuomah, “Keiin tuiin ka baptis hlak, nangni lai in hriet naw mi pakhat a ngîr a nih,

JOHAN 1:27

ama chu ka hnunga hung ding chu a na, a kekawk hrui sût tlâk khawm ka ni nawh,” a ta, a dawn a.

JOHAN 1:33

Ama chu ka hriet si nawh a, nisienlakhawm, tuia baptis dinga a mi tirtu khan ka kuomah, ‘Tû chunga khawm Thlarau zu fua, a chunga um zing i hmu chun, ama chu Thlarau Inthienga baptistu ding chu nîng a tih,’ a tih a.

JOHAN 7:38

Tûkhawm a mi ring chu Pathien Lekha hril angin, tui hring vadunghai a phînga inthawkin hung luong suok a tih,” a ta.

THILTHAWHAI 1:5

“Johan khan tuiin a baptis hlak a, nisienlakhawm, ni sâwtnawtêah Thlarau Inthiengin baptisma chang in tih,” a ta.

THILTHAWHAI 10:44

Chun, Peterin chuong thu chu a hril lai tak chun, thu hretuhai po po chunga chun Thlarau Inthieng a hung tlung tah a.

THILTHAWHAI 2:33

Pathien kut changtienga chawi- mawiin a um a, Thlarau Inthieng tiem chu Pa kuoma inthawkin a hmuh a, in hmu le in hriet hi a hung buok a ni hi.

1 KORINTH 12:13

Ei rêngin, Judahai amanih, Grikhai amanih, suok amanih, suok nilo amanih taksa pumkhata um dingin, Thlarau pakhat chauah bap- tisin ei um seng sih a. Thlarau pakhat chau bawk a mîn dâwntir bawk a.