LUKA 24:5 - Pathien Lekhabu Inthieng (BSI)

⁵ chun, an ṭih a, an hmaia hnuoi an sik el lai chun, anni chun an kuomah, “Iengdinga mithi laia mi dâm in zawng am?

LUKA 24:5 ပူးပေါင်းရင်းမြစ်များ

DANIEL 10:16

Chun, ngai ta, mi pakhat, mi- hriem naupahai angtak el hin ka hmûrhai chu a hung them a; chun, ka bau chu ka kah a, ka hmaa ngîr kuoma chun thu ka hril tah a, “Aw ka lalpa, thilhmulâwk lei chun ka lung- ngainahai chu ka chungah a tla tah a, chuongchun, hrâtna hrim ka nei dêr ta nawh.

DANIEL 10:19

Ama chun, “Aw nasataka dit- saka umpa, ṭi naw rawh, i kuomah thlamuongna um raw se; insukhrât rawh, anih, insukhrât rawh,” a ta. Chun, ka kuoma thu a hung hril phing chun sukhrâtin ka um tah a, “Ka lalpa hin thu hril raw se, i mi sukhrât ta sih a,” ka ta.

LUKA 1:29

Chun, chu thu hril lei chun a lunginzîng ta bêk bêk a, “Iengtiziea chibai a mi bûk am nîng a tih aw,” tiin ân ngaituoh a.

LUKA 24:4

Chun, chuong leia an lunginzîng lai chun, ngai ta, mi pahni puon mi elkhal thei silin an kâwlah an hung ngîr a;

LUKA 24:6

[Hitaka hin a um ta nawh, a tho nâwk tah;] Galili rama a um laia in kuoma a thu hril kha hre zing ro.

THILTHAWHAI 2:24

Kha mipa kha Pathienin thina khuopnahai chu a sûtpêk a, a keitho tah a; ama chu thina chel sawng ruol a ni naw leiin.

HEBRAIHAI 7:8

Chun, hitaka hin mihriem thi hlakhai hin sâwma pakhat an hmu hlak a, chutaka ruok chun, “a hring zing,” tia a thu an inhriettir chun a hmu a nih.

THUPUONGSUO 1:18

Mi Hring chu ka nih, ka lo thi a, nisienlakhawm, ngai ta, kumkhuoa dingin ka hring nâwk ta a nih. Thina le Mithi Khaw chabihai chu ka nei bawk a.

THUPUONGSUO 2:8

“Chun, Smurnaa kohran tirko kuoma chun hieng hin ziek rawh:— “ ‘Hmasatak le Nuhnungtak, thia hung hring nâwk ta khan, hieng thu hi a hril a nih: