LUKA 24:28 - Pathien Lekhabu Inthieng (BSI)

²⁸ Chun, an fena ding khuo chu an hung hnai tah a; chun, ama chu hla deua fe tum angin a um a.

LUKA 24:28 ပူးပေါင်းရင်းမြစ်များ

INṬANNA 19:2

chun, “Puhai, lunginsiettakin in siehlaw ina hin lût phawt unla, riek unla, in kehai sâwp ro khai: chun, inhmatakin tho in ta, fe nâwk de ti niu,” a tih a. Anni chun, “Ni lo e, khawlaiah riek lem kan tih,” an tih a.

INṬANNA 32:26

Chun, mi chun, “Mîn thla rawh, khawfing khawm a chat ding a ni ta hi,” a tih a. Jakob chun, “Mal i mi sâwm naw chun inthla naw ning che,” a tih a.

INṬANNA 42:7

Josef chun a uhai chu a lo hmuh a, anni chu a lo hriet tâwl hleh a; nisienlakhawm, mi dang anga hriet naw tehlêm thawin inrawm- takin anni a biek a, “Khawlaia inthawka hung am in nih a?” a tih a. Anni chun, “Bu inchaw dinga Kanaan rama inthawka hung kan nih,” an tih a.

MARKA 6:48

Chun, an lawng kar chu an lung a zîng hlein a hmu a, thliin aninaw tieng panga a mût leiin. Vârṭien ding lai vêlin dil chunga kea lâwnin anni tieng a hung pan a, anni chu fe khêl a tum a.

LUKA 24:29

Chun, ṭawngbauin an chel a, “Kan kuomah um ta la; khuo ân hnu ding an ta hi, nisa khawm a tla ding a ni ta hi,” an ta. Chuongchun, an kuoma um dingin a lût tah a.