LUKA 23:14 - Pathien Lekhabu Inthieng (BSI)

¹⁴ an kuomah, “ ‘Mihai a suk- khawhlo,’ tiin hi mipa hi ka kuomah in hung ṭhuoi kha a na; chun, ngai ro, in hma ngeiah ka suosal a, in hêkna thua khan hi mipa chunga hin iengkhawm suol ka hmu naw a nih;

LUKA 23:14 ပူးပေါင်းရင်းမြစ်များ

DANIEL 6:4

Chun, hotuhai le biel awptuhai chun ram chungthuah Daniel chunga chun remchâng an zawng tah a; ni- sienlakhawm, ama chu ring a um a, amaa chun khawhlona le indiknawna hrim hmu a ni naw leiin khawhlona le remchâng chu an hmu thei dêr nawh a.

MATTHAI 27:19

Chun, rorêlna ṭhungphaa ân ṭhung lai chun, a nuhmeiin, “Kha mi feltak chunga khan iengkhawm thaw naw rawh; vawisûn hin ama leiin mangah thil tamtak ka tuor a nih,” tiin ân chah a.

MATTHAI 27:24

Chuongchun, Pilatin ieng- khawm thaw thei loa buoi tieu tieu ding a nih ti a hrietin, tui a lâk a, mipui hmaa chun a kut a sâwp a, “Hi mi fel thisena hin kân thieng; nang- nîn in thaw thawin thaw ro,” a ta.

MATTHAI 27:4

“Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

MATTHAI 27:54

Chun, sipai za hotu le a kuoma Isu vênga um vehai chun, simkhaw- leihnuoi inhnîng le thil umziehai chu an hmu chun an ṭi ta bêk bêk a, “Hi mipa hi Pathien Naupa a ni ngei el,” an ta.

THILTHAWHAI 13:28

A thina khawp meu a chung- ah iengkhawm an hmu naw khawm- in, Pilat kuomah sukhlum an ngên a.

THILTHAWHAI 17:11

Chutaka mihai chu Thes- salonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng naw- na kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim sih a.