LUKA 22:11 - Pathien Lekhabu Inthieng (BSI)

¹¹ Chun, in neitupa kuoma chun, ‘Inchûktirtuin, ka închûktirhai le Fekân Ruoi bu kan fâkna ding mikhuol pindan chu khâwlai am a na? a ti che,’ ti ro.

LUKA 22:11 ပူးပေါင်းရင်းမြစ်များ

MATTHAI 21:3

Tukhawmin in kuomah, ieng- khawm an lo hril chun, ‘Lalpain a mamaw a nih,’ tîng in ta; chun, ama chun hung tîr nghâl el a tih,” a ta.

MARKA 14:14

Chun, a lûtna naa chun, chu in neitupa kuoma chun, ‘Inchûktirtu chun, ka închûktirhai le Fekân Ruoi bu kan fâkna ding ka mikhuol pindan chu khâwlai am a na? a tih’ ti unla.

LUKA 19:31

Chun, tûkhawmin, ‘Iengdinga in sût am?’ tia an indawn cheu chun, ‘Lalpain a mamaw a nih,’ tiin hril ro,” a ta.

LUKA 19:34

Chun, anni chun, “Lalpain a mamaw a nih,” an tih a.

LUKA 19:5

Chun, Isu chu chu hmun a tlung chun a tang a, a kuomah, “Zakai, hung ṭum vak rawh; vawisûn i inah ka tlung ding a nih,” a ta.

LUKA 22:10

Chun, ama chun an kuomah, “Ngai ta u, khawpuia in lûtin, pasal bêla tui putin intuokpui a ti cheu a, a lûtna inah zui lût el ro.

LUKA 22:12

Chuongchun, ama chun pindan chunghnung lientak, thuomhnaw umsa inentir a ti cheu a; chutaka chun buotsai ro,” a ta.

JOHAN 11:28

Chun, chu thu chu a hril zo phingleh a feh a, a zuorpuinu Mari chu inrûkin a va ko a, “Inchûktirtu hitakah a um a, a ko che,” a ta.

THUPUONGSUO 3:20

Ngai ta, kawtkhâr bula ngîrin ka nawk hi; tûkhawmin ka rawl hrea kawt a hawng chun a kuomah lût ka ta, a kuomah zânbu fâng ka ta, ama khawmin ka kuomah fa bawk a tih.