LUKA 21:8 - Pathien Lekhabu Inthieng (BSI)

⁸ Chun, ama chun, “An hlêm nawna ding cheuin fîmkhur ro. Mi tamtakin, ‘Krista chu ka nih,’ ‘Ahun a tlung ding a ni tah,’ tiin keia hming sâlin an hung ding a nih; chuonghai chu zui naw ro.

LUKA 21:8 ပူးပေါင်းရင်းမြစ်များ

JEREMIA 29:8

Sipaihai LALPA Israel Pathien chun hieng hin a tih: Nangni laia in zâwlnei umhai le, in khawhri zâwl- haiin hlêm naw raw se cheu, chun, in manghai in imang khawm chu ring bawk naw unla.

MATTHAI 24:11

Zâwlnei tehlêm tamtak khawm hung suok an ta, mi tamtak hlêm an tih.

MATTHAI 3:2

“Sim ro, vân ram chu a hnai tah,” tiin.

MATTHAI 4:17

Chu chena inthawk chu Isûn, “Sim ro, vân ram chu a hnai tah,” tiin a hril phut tah a.

LUKA 17:23

Chun, in kuomah, ‘En ta sawtaka saw!’ ‘En ta, hitaka hi!’ tîng an ti cheu; fe suok naw unla, anni chu zui bawk naw ro,

LUKA 21:7

Chun, anni chun a kuomah, “Inchûktirtu, chuong chu ieng tik am hung um a ti leh? Chuong chu a hung tlung ding pha inchikna ieng am um a ta?” tiin an indawn a.

LUKA 21:9

Chun, indo thu le buoi thu in hriet pha ṭi naw ro; chuong chu a tlung hmasa ding hrim a nih, tâwpna ruok chu tlung nghâl el hri naw ni,” a ta.

JOHAN 5:43

Ka Pa hmingin ka hung a, nangnîn in mi lâwm si nawh; mi dang mâni hmingin hung sienla, ama chu lâwm in tih.

JOHAN 8:24

Chuleiin, in kuomah, ‘In suol nei zingin thîng in tih,’ ka ti kha; ama chu ka nih ti in awi naw chun, in suol nei zingin thi mawl in tih,” a ta.

JOHAN 8:28

Chuongchun, Isu bawkin, “Nangnîn Mihriem Naupa hi in khai kâng hnungin, ama chu ka ni le, kei mâni thuin thil iengkhawm ka thaw nawh a, Pain a mi hril ang peiin hieng thu hi ka hril a nih ti la hung hrieng in tih.

1 KORINTH 6:9

Anleh, mi felnawhai chun Pathien ram hluo naw ni hai ti in hriet naw am a nih? Hlêmin um naw ro; indithmanghai amanih, milim betuhai amanih, uirehai amanih, mihurhai amanih, mawngkawhurhai amanih,

EPHESI 5:6

Tûkhawmin thu teplo mei meiin hlêm naw raw se cheu, chuong thil lei chun Pathien lunginsenna chu ringnaw nauhai chungah a tlung hlak sih a.

2 THESSALONIKA 2:3

Tûkhawmin iengkhawmin hlêm naw raw se cheu; tlûksanna chu a hung tlung hmasa zeta, Dân Bawsepa, bohmang naupa chu, a hung inlang naw chun, chu Ni chu tlung si naw nih a.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

2 JOHAN 1:7

Hlêmtu tamtak — Isu Krista chu tisain a hung ti ṭan nawtuhai kha — khawvêla hin an hung suok ta sih a. Chuong ang mi chu an nih, hlêmtu le Krista kaltu chu.

THUPUONGSUO 1:3

Hi hrillâwkna bu thu tiemtu le ngaia a sûnga thu ziek pawmtuhai chu an hamṭha; a hun chu a hnai ta sih a.

THUPUONGSUO 12:9

Chun, drakon lientak, Rûlpui tar, Diebol le Setan an ti, khawvêl po po hlêmtu chu, an pei thlâk tah a; hnuoiah an pei a, a tirkohai khawm an pei thlâk sa veh a.