LUKA 21:25 - Pathien Lekhabu Inthieng (BSI)

²⁵ “Chun, nisaa dâm, thlaa dâm, arasia dâm inchikna um a tih; tuisuoriet inrûm le a fâwn leiin hnuoia khawm hin hnam tin rinumna le lunginzîngna tlung a tih;

LUKA 21:25 ပူးပေါင်းရင်းမြစ်များ

INPÂKNA HLABU 46:3

A tuihai chu inri hum humin, so bur bur sienla khawm, A fâwn nasa leiin tlânghai hi inhnîng dur dur sien khawm ṭi chuong bawk nâwng ei tih.

ISAI 13:10

Vân arasihai le a sizuchohai chun an var insuo naw ni hai a, nisa chu a suok laia sukthimin um a ta, thla khawma a var chu ân vartir ta naw ding a nih.

ISAI 17:12

A mipui tamtak inri dur dur, tuisuoriethai inri dur dur anga inri dur durhai le hnam tin inri hum hum, tui nasatak inri hum hum anga inri hum humhai chu aw!

ISAI 24:23

Chu hnunga chun thla khi inzaktakin um a ta, nisa khi muol- photakin um a tih; sipaihai LALPA chu Zion tlâng le, Jerusalem khuoa le, a upahai hmaa chun, ropuitakin lalah a um ding a ni sih a.

ISAI 5:30

Chu nia chun tuisuoriet inri dur dur angin an chungah inri dur dur an ta, chuongchun, miin ram chu an hei thlîr chun, ngai ta, inthim le lungin- zingna ruok nîng a tih, var hlak chu chutaka sûmahai chun sukthimin a um a.

ISAI 51:15

Kei LALPA i Pathien, a fâwnhai chu inri hum hum khawpa tuisuoriet chawklettu chu ka ni sih a; ka hming chu sipaihai LALPA a nih.

JEREMIA 4:23

Leihnuoi chu ka en leh, ngai ta, a ruok le a sie a na; vânhai khawm chun varna an nei nawh a.

DANIEL 12:1

“Chu pha chun lal naupa ropuitak Mikael, i mihai ta dinga ngîr chu ngîrsuok a ta; chun, buoina hun chu a hung um ding a nih, hnam um tira inthawka chu chu hun chena khawm la um ngai hrim hrim lo chu; chu pha chun, i mihai, lekha- bua zieka hmu taphawthai chu sanhim nîng an tih.

MIKA 7:4

Anni laia mi ṭhatak khawm chu buor ang a na, mi indiktak khawm chu hlohlingnei nêkin a se lem; i vêngtuhai ni, fanga i um ni ngei chu a hung tlung tah, chu chu an lungin- zîngna ni nîng a tih.

MATTHAI 24:29

“Nisienlakhawm, chuong ni rinum zo phingle chun, nisa inthimin um a ta, thla var ta naw nih a, vâna arasihai hung tlâng an ta, vân thilthawtheinahai chu sukhnîngin um a tih.

MATTHAI 27:45

Chun, nisa indinga inthawka zânbu suong pha chenin khawvêl a hung inthim ta vawng a.

MARKA 13:24

“Nisienlakhawm, chuong nia chuong rimsikna hnunga chun nisa sukthimin um a ta, thla var ta naw nih a,

MARKA 13:26

Chu phâ le chun Mihriem Naupa hi thilthawtheina nasatak leh sûm laia hung hmûng an tih.

MARKA 15:33

Chun, nisa inding huna chun, zânbu suong pha chenin khawvêl a hung inthim ta vawng a.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hma- khat chu Jerusalem chu Jentailhai sirdein um a tih.

LUKA 21:26

mihai, thlabâr lei le khawvêla thil hung tlung ding ngaituo leiin thidang an tih; vân thilthawthei- nahai chu ân hnîng ding a ni sih a.

THILTHAWHAI 2:19

Chun, chungtieng vânah thilmakhai, Hnuoi tieng leihnuoiah inchiknahai inhmutir ka tih: Thisen dâm, mei dâm, meikhu hu dâm,

THUPUONGSUO 20:11

Chun, lalṭhungpha lientak vâr- tak le a chunga ṭhung chu ka hmuh a, a hmaa inthawk chun hnuoi le vân an tlân hmang a, an ta dingin hmun hrim a um ta nawh a.