LUKA 20:20 - Pathien Lekhabu Inthieng (BSI)

²⁰ Chun, ama chu Bawrsâp rorêlna le thuneinaa pêk dingin, a thu hril suol la dingin an inchân zing a, enthlittu, mi ṭha anga inlang tehlêmhai chu an tir a.

LUKA 20:20 ပူးပေါင်းရင်းမြစ်များ

2 SAMUEL 14:2

Chuongchun, Joab chun Tekoa khuoah mi a tir a, chutaka nuhmei var pakhat chu a vân ṭhuoitir a, a kuomah, “Lusûn angin insiem la, lusûnna puon sil la, sahriek khawm innâl loin, nuhmei sâwttak mithi sûn ta angin um rawh;

INPÂKNA HLABU 38:12

Ka hringna sukbo tuma zawngtuhai chun an mi âwkna dingin chânghai an kam hlak a, Ka sietna ding zawngtuhai khawm chun thu ṭha nawtakhai an hril a, Sûnnithlâkin hlêmna thuhai an ngaituo hlak.

INPÂKNA HLABU 66:3

Pathien kuomah, “I thilthawhai chu a va ropui de! I thilthawtheina nasatzie leiin nangma dotuhai chu i kuomah intuklût an tih.

INPÂKNA HLABU 81:15

LALPA theidatuhai chu a hmaah ṭiin kûn an tih, An hrem tuorna chun kumkhuo dai a tih.

JEREMIA 11:19

Nisienlakhawm, berâmte zai- nêm a thattu hmaa ṭhuoia um ang chu ka na, “Thing chu chutaka a ra le chun suksieng ei ta, ama chu mi hring rama inthawk chun sât thlâng ei ta, a hming chu hriet zing a ni nawna dingin,” tia, ka chunga thu phierrûk an phier khawm chu ka lo hriet nawh a.

JEREMIA 18:18

Chun, anni chun, “Hung ro khai, Jeremia chunga hin thuphier- rûk phier ei tih; thiempua inthawkin dânin bo ni nei naw nih a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 20:10

Sîr tina ṭium le, mi tamtakhai hrilsietna chu ka hriet a. Ka ruol, hmêlhriettakhai, ka tlûk nghâktuhai chun, “Hril se ro, ama chu hrilsieng ei ta, ama chu ailâkin um a ta, ama chu hnêng ei ta, ama chunga chun ei phuba chu lâng ei tih,” an tih a.

DANIEL 6:4

Chun, hotuhai le biel awptuhai chun ram chungthuah Daniel chunga chun remchâng an zawng tah a; ni- sienlakhawm, ama chu ring a um a, amaa chun khawhlona le indiknawna hrim hmu a ni naw leiin khawhlona le remchâng chu an hmu thei dêr nawh a.

MATTHAI 27:2

chun, an khuop a, an ṭhuoi a, Bawrsâp Pilat kuomah an pêk tah a.

MARKA 3:2

Chun, ama an hêk theina dingin Châwlnin a sukdam ding le sukdam naw ding an enthlit a.

LUKA 11:54

a ṭawng suol hlaua man tumin an inchân zing a.

LUKA 20:21

Anni chun a kuomah, “Inchûk- tirtu, indiktakin thu i hrilin în chûktir a, tûkhawm thlier bîk loin, thaw taktakin Pathien kawng thu în chûktir hlak ti kan hriet a;

LUKA 20:26

Chuongchun, mipui hmaah a thu hril suol lâk ding an hmu nawh a; a dawnna chu mak an ti hleh a, an to zing a.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong nawh a, an bohmangna hlak a ininnghil bawk nawh.