LUKA 19:41 - Pathien Lekhabu Inthieng (BSI)

⁴¹ Chun, a tlung ding ṭepin, khuo chu a hmuh a, a ṭap nghah a,

LUKA 19:41 ပူးပေါင်းရင်းမြစ်များ

2 LALHAI 8:11

Chuongchun, a ta dinga inzak- um khawp rauin a mel ta zing el a, chun, Pathien mi chu a ṭap tah a.

INPÂKNA HLABU 119:136

Ka mitthli hi vadung tui angin a luong thlah a, I dân an zâwm naw leiin.

INPÂKNA HLABU 119:158

Vervêktaka thawtuhai chu, ka en a, ka lungni nawh a, I thu an zâwm naw leiin.

INPÂKNA HLABU 119:53

Lungninawna nasatak hin a mi tlâk khum a. Mi rilo i dân fesantuhai leiin.

ISAI 22:4

Chuleiin, kei chun, “Mi en loin, khingtieng en ro, ka ṭap rak rak ding a nih; ka mihai naunuhai râllâka an lâk thua chun mi thlêm inkhaw nuom naw ro,” ka tih a.

ISAI 28:21

A sin, a sin danglam chu, a thaw theina ding le, a thilthaw, a thilthaw danglam chu a muolsuo theina dingin, LALPA chu Perazim tlânga a tho ang khan a tho ding a ni sih a, Gibeon ruoma a lunginsen ang khan a lunginsen ding a ni sih a.

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; LALPA berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 17:16

Keia chungthua chun, nanga hnunga berâmpu ni chu ka tum ṭâl nawh a, ni chungpikum khawm chu ka châk bawk nawh a, i hriet a, ka hmûra inthawka suokhai chu i hmai- hmaa chun a um sih a.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

LUKA 19:42

“Aw, nang hin tuta sûng hin thlamuongna ding thu hi lo hre hrâm la chu aw! Nisienlakhawm, tuhin chu i hmu thei nawna dingin ân thup ta sih a.

JOHAN 11:35

Isu a ṭap tah a.