LUKA 18:13 - Pathien Lekhabu Inthieng (BSI)

¹³ Siedâwltu ruok chu hlatakah a ngîr a, vân tieng khawm a dâk ngam nawh a, ‘Pathien, kei mi suol hi mi lunginsiet rawh,’ tiin a âwm ân chum ân chum ta lem a.

LUKA 18:13 ပူးပေါင်းရင်းမြစ်များ

2 SAMUEL 12:13

Chun, David chun Nathan kuomah, “LALPA chungah thil ka lo suksuol tah a nih,” a ta. Chun, Nathan chun David kuomah, “LALPA khawma i suol chu a sie hmang ve tah a; thi naw ti nih.

2 CHANCHIN SUINA 33:19

A ṭawngṭaina dâm, ama Pathienin a lo ngaisak dânhai dâm, a suolna po po le a bawsietna po po le, bâwlhmun a siemna hmunhai le, ama le ama ân sukhnuoi hmaa Asera a siem dâm le, milim ker a siemhai thu chu, ngai ta, Hozai chanchinbua chun ziek an nih.

2 CHANCHIN SUINA 33:23

A pa Manasse ân sukhnuoi ta ang khan ama hi chu LALPA hmaa chun ân sukhnuoi ve nawh a; chuong- chun, hi Amon hi chu a suol nasa deu deu tah a.

EZRA 9:6

“Aw ka Pathien, nanga tienga hung nghat khawm hi ka hmai a mâwkin kân zak a nih, ka Pathien, kan khawhlonahai chu kan lu chunga hin a hung pung deu deu a, kan suolhai chun vân a tawng ta a ni hi.

JOB LEKHABU (THE BOOK OF JOB) 42:6

Chuleiin, kei le kei kân theidah a, kân sîr a nih, Vuthai lai le pilvut laia ṭhungin,” tiin.

INPÂKNA HLABU 106:6

Kan thlatuhai le khan thil kan suksuol a, Thil suol kan thawh a, suoltakin kan thaw tah a.

INPÂKNA HLABU 119:41

Aw LALPA, i ngilneina chu ka kuomah hung raw se, I sandamna ngei chu, i thu ang peiin.

INPÂKNA HLABU 130:7

Aw Israelhai, LALPA chu beisei ro; LALPA kuoma chun ngilneina a um sih a, A kuomah intlanna tamtak a um bawk a.

INPÂKNA HLABU 25:11

Aw LALPA, i hming leiin, Ka rîtlona ngaidam la, nasatak a ni sih a.

INPÂKNA HLABU 25:7

Ka tleirâwl lai suolnahai le ka bawsietnahai chu hre zing naw la, Aw LALPA, i ṭhatna leiin, I ngilneizie ang peiin mi hre zing rawh.

INPÂKNA HLABU 40:12

Thil ṭha naw tiem sêng lo chun an mîn huolvêl sih a, Ka rîtlonahai chun an mi hnawt phâk a; Chuongchun, ka dâk thei ta nawh a; Chuong chu, ka samzaihai nêk hin a tam lem a, ka lungril hi a châu tah a.

INPÂKNA HLABU 41:4

Keiin, “Aw LALPA, mi lungin- siet la, Ka hringna hi sukdam la, i chungah thil ka suksuol sih a,” ka tih a.

FESUOKNA 33:10

Mipui chun sûm ngîr kawt- khâra ngîr an hmu pha chun, mipui po po chu an tho a, mâni puon in kawtkhâr chita chun mi tinin chibai an bûk hlak a.

ISAI 1:18

LALPA chun, “Hung ta u, ngaituo tlâng ei tiu! In suolhai chu sen inlâr angin um ta sienla khawm, vûr angin vâr a tih; sen duk angin sen ta sienla khawm, berâm hmul angin um a tih.

ISAI 6:5

Chu phingleh kei chun, “Hmûr tirdakum put mi ka na, hmûr tirdak- um put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai LALPA chu a hmu ta sih a,” ka tih a.

ISAI 66:2

Hieng thil iengkim hi ka kutin ka siem a ni sih a, chuongchun, hieng thil iengkim hi a hung um tah a nih, LALPAIN a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa PATHIEN chun a tih,” tiin.

DANIEL 9:5

kan lo suol tah a, indiklotakin kan lo thaw tah a; khawhlotakin kan lo thaw tah a, kan lo hel tah a; i rorêlnahai le thupêkhaia inthawka lo inher hmangin;

MATTHAI 10:3

Philip le Bartholomai hai; Thoma le siedâwltu Matthai hai; Alphai naupa Jakob le Thaddai hai,

MATTHAI 6:5

“Chun, in ṭawngṭaiin, mi vervêk- hai angin in thaw ding a ni nawh, mîn an hmu theina dingin, inkhâwmna inahai, kawtthlêr ṭhuom laitakahai ngir puma ṭawngṭai an ngaina sih a. Titakzetin ka hril cheu, an lâwmman chu an hmu zo tah.

MATTHAI 9:13

Chuongchun, ‘Inthâwina dit loin lunginsietna ka dit ie,’ ti hi, fe unla, a umzie vân chûk ro; mi fel takhai indawn dinga hung ka ni nawh a, mi suolhai lem indawn dinga hung ka nih in sawnnaw,” a ta.

MARKA 11:25

Chun, ṭawngṭai dinga in ngîr pha po leh tu chunga khawm thupawi ieng am a nih in nei chun ngaidam ro; vâna in Pa khawmin in bawsietnahai chu a ngaidam theina ding cheu in.

LUKA 17:12

Chun, khaw ienga manih a lût dingin, mi inphâr ruok sâwmin an intuokpui a; chuonghai chu hlatakah an ngîr a,

LUKA 22:41

Chun, lung dêng phâk chenah a tumin a va feh a; chun, a dingṭha- ṭhuon a, a ṭawngṭai a,

LUKA 23:48

Chun, chu ennuom chu thlîr dinga mipui hung inkhâwmhai po po chun thil umziehai chu an hmu chun, an âwmhai inchum inchumin in tieng an fe tah a.

LUKA 5:8

Chun, Simon Peterin chu chu a hmu chun, Isu khûp bulah a bawkkhup a, “Lalpa, mi fe san rawh, mi suol ka ni hi,” a ta.

THILTHAWHAI 2:37

Chun, chuong thu chu an hrietin an lungrilah sun ang an lo ni tah a, Peter le tirko danghai kuoma chun, “Unauhai, iengtin am thaw tâng kan ta?” an tih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:8

Nisienlakhawm, Pathien chun a mi hmangaina chu inpâk tlâkin ân langtir a, mi suolhai ei la ni laia Krista eini aia a thinaa khan.

2 KORINTH 7:11

Chuongchun, hi thil hi inchik ro: Pathien dit zâwnga suklung- ngaina chun, thil lâk ursûnna dâm, pawi tâwk ve naw in nih ti inlangtir nuomna dâm, suol theidâna le suol ṭina dâm, chuong ang ngaituona hrât tak le ṭhahnemngaina tak dam, suol thawtu chu thunun dinga inpei zingna dâm, ân neitir cheu a ni hi. Iengkimah chuong thua chun in inthieng tah ti in suklang tah a.

1 TIMOTHE 1:15

“Krista Isu mi suolhai sandam dingin khawvêla hin a hung,” ti hi ring a umin, pawm tlâk tak a nih; anni laia mi suol tak ka ni hi.

HEBRAIHAI 4:16

Chuongchun, zângaina ei hmu theina ding le, ṭhangpui ei ngai phaa ṭhangpuina lunginsietna chu ei hmu theina dingin lunginsietna lalṭhung- pha chu huoitakin hnai ei tiu.

HEBRAIHAI 8:12

An bawsietnaahai zângai ka ta, An suolhai khawm hre zing ta naw ning,” tiin.