LUKA 17:1 - Pathien Lekhabu Inthieng (BSI)

¹ Chun, Isûn a închûktirhai kuomah, “Tlûknahai um naw thei a ni nawh; nisienlakhawm, tlûkna inumtirtu chung chu a rik!

LUKA 17:1 ပူးပေါင်းရင်းမြစ်များ

MATTHAI 16:23

Ama ruok chu a nghah a, Peter kuoma chun, “Setan, ka hnungah fe rawh, keia ta dingin tlûkna i nih; Pathien thil ngaituo loin mihriem thil i ngaituo lem a ni hi,” a ta.

MATTHAI 18:7

“Tlûknahai leiin khawvêl chung a rik de! tlûknahai chu hung um ding chu a nih; nisienlakhawm, tlûkna inumtirtu chung chu a rik!

LUKA 16:31

Chun, ama chun a kuomah, ‘Mosie le zâwlneihai thu an awi naw chun, mithi laia mi tho nâwk sienla khawm awi chuong naw ni hai,’ a tih a,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:13

Chuleiin, insawisêl tâwl ta nâwm ei niu khai; tûkhawmin mâni unau kalna amanih tlûkna amanih siem naw tum lem seng ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:17

Chun, unauhai, inchûktirna thu, nangni inchûk nawna tieng pang in- ṭhena le tlukna siemtuhai chu vêng ṭha dingin le nghatsan dingin ka ngên cheu.

1 KORINTH 10:32

Judahai ta ding khawmin, Grik mihai ta ding khawmin, Pathien kohranhai ta ding khawmin an tlûk phâna ding hrim hrim iengkhawm thaw naw ro.

1 KORINTH 11:19

Nangni laia mi indiktakhai an inlang theina dingin pâwl tum tum an hung um ding hrim a nih.

1 KORINTH 8:13

Chuleiin, fâk dingin ka unau a sukthlûk chun, ka unau ka sukthlûk nawna dingin kumkhuoin sa hrim hrim fa ta naw ning.

1 TIMOTHE 4:1

Nisienlakhawm, Thlarau chun chiengtakin a hril: nakie pha chun mi ṭhenkhathai chun ṭhuoi hmangna thlarauhai le khawhrihai inchûktirna thu ngaisakin ringna chu la bânsan an tih, mi khêlhliphai vervêkna leiin ti hi.

THUPUONGSUO 2:14

Nisienlakhawm, tlâwmtêin demna che ka nei, khataka Balaam inchûktirna thu pawm tuhai amanih in umpui lei khan, ama chun milim biekna sa an fâkna ding le, an inditna dingin Balak chu Israel thlahai hmaah tlûkna sie ân chûktir kha.

THUPUONGSUO 2:20

Nisienlakhawm, demna che ka nei; nuhmei, Jezebel, Zâwlneinu inti kha, i ngai thei leiin; ama chun ka suokhai chu indit le milim biekna thil fâk inchûktirin, a ṭhuoi hmang bawk hlak a nih.