LUKA 16:9 - Pathien Lekhabu Inthieng (BSI)

⁹ “Ka hril cheu hi, sum tehlêmin in ta dingin ruolhai siem ro; sum a bohmang pha leh chatuona umnaa chun inumtira in umna dingin.

LUKA 16:9 ပူးပေါင်းရင်းမြစ်များ

INPÂKNA HLABU 73:26

Ka taksa le ka lungril hi a chau tah a, Nisienlakhawm, Pathien chu kumkhuoa ka lungril hrâtna ding le ka chanvo a nih.

THUVARHAI 14:24

An hausaknahai chu mi var ta ding chun an lallukhum a na, Invêthai invêtna ruok chu invêtna ringawt el a nih.

THUVARHAI 19:17

Mi pasie lunginsiettu chun LALPA ân pûktir a na, A thil thaw ṭha chu ama chun pe nâwk a tih.

THUVARHAI 23:5

A um naw chunga chun i mithai chu infûktir naw la, Hausaknahai chun thlahai an in- siempêk ngei ngei hlak sih a; Muvânlai vântienga vuong hlak ang el chun.

THUHRILTU 11:1

Tuihai chunga chun i bei chu pei la, Ni tamtak hnunga chun i hmu nâwk ding a ni sih a.

ISAI 57:16

Kumkhuoin ka do âwm si nawh a, lunginsen rawp bawk naw ning ah; chuong naw chun, mi lungril ka hmaah châu a ta, hringna ka siemhai khawm chu châu bawk an tih.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i sukdik nawnahai hi sukdama a um ding chun chu,” a ta.

MATTHAI 19:21

Isûn a kuomah, “Ṭha famkima um i nuom chun, fe la, i nei chu zawr la, pasiehai kuomah pe rawh; chuongchun, vânah ro nei i tih; chun hung la, mi hung zui rawh,” a ta.

MATTHAI 6:19

“Hnuoia hângthim le tuiêkin a fâk sietnaah, inruhaiin an verpawpa an inrûknaa hin in ta dingin rohai inkhâwl naw ro.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

LUKA 11:41

Nisienlakhawm, a sûnga thil um chu mi rimsihai kuoma pêk dingin hmang ro; chuongchun, ngai ro, in ta dingin iengkim ân thieng tah a nih.

LUKA 12:33

In nei taphawt chu zawr unla, pasiehai kuomah pe ro; vânah inru fe nawnaah, hângthim fâk siet nawnaa chun, tangka ip hlui thei nawhai, ro inhmang thei nawhai, inkhâwl ro.

LUKA 14:14

chuongchun, la hamṭhâng i tih; anni chun thungna ding che nei naw ni hai a, chuongchun, mi fel tho nâwk pha chun thungin i um ding a ni sih a,” a ta.

LUKA 16:11

Sum tehlêm chunga hman ring in um naw chun, tûin am sum tak chu inkawltir a ti cheu a?

LUKA 16:13

Siehlaw tukhawmin hotu pahni rawng a bâwl kawp thei nawh; pakhat chu theidain pakhat chu dit a tih, annawleh, pakhat ṭanin pakhat hmusit a tih. Pathien le sum rawng in bâwl kawp thei nawh,” a ta.

LUKA 16:4

Sum enkawl a mi bân phaa mîn an ina an mîn umtirna dingin ka thaw dân ding ka hriet tah,’ a ta.

THILTHAWHAI 10:31

‘Korneli, i ṭawngṭaina kha hrietin a um tah, mi kuoma i thilpêkhai khawm kha Pathienin a hriet zing ie.

THILTHAWHAI 10:4

Chun, Korneli chun ama chu a lo en zing a, a ṭih a, “Lalpa, ieng am a na?” a ta. Chun, ama chun a kuomah, “I ṭawngṭainahai le i thil pêk thuhai kha hriet zing dingin Pathien hmaah a hang tlung tah.

2 KORINTH 4:17

Kan rinum nêptak, hi mit inkhap kâr chaua um ding hin ropuina nasatak, kumkhuoa dingin a mi siem pêk nasa deu deu a nih;

JUDA 1:21

Thlarau Inthienga ṭawngṭaiin; chatuon hringna inneitirna khawp ei Lalpa Isu Krista lunginsietna chu nghâk pumin, Pathien hmangainaa chun inkawl ṭha ro.