LUKA 16:11 - Pathien Lekhabu Inthieng (BSI)

¹¹ Sum tehlêm chunga hman ring in um naw chun, tûin am sum tak chu inkawltir a ti cheu a?

LUKA 16:11 ပူးပေါင်းရင်းမြစ်များ

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

LUKA 12:33

In nei taphawt chu zawr unla, pasiehai kuomah pe ro; vânah inru fe nawnaah, hângthim fâk siet nawnaa chun, tangka ip hlui thei nawhai, ro inhmang thei nawhai, inkhâwl ro.

LUKA 16:12

Mi dang ta chunga hman ring in lo um ta naw chun, nangni ta ding chu tûin am pêng an ti cheu a?

LUKA 16:9

“Ka hril cheu hi, sum tehlêmin in ta dingin ruolhai siem ro; sum a bohmang pha leh chatuona umnaa chun inumtira in umna dingin.

LUKA 18:22

Chun, Isûn chu chu a hrietin a kuomah, “Tu khawm hin kawng khat i la bâk ie; i nei po po zawr la, pasiehai kuomah sem rawh, chuongchun, vânah ro nei i tih; chun, hung la, mi hung zui rawh,” a ta.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chan- chin chu Jentailhai kuoma hril ding le,

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

THUPUONGSUO 3:18

i hung hausak theina dingin rângkachak meia sukthieng dâm, puon i sil theina ding le i saruok zamaw chu ân lang nawna dingin puon vâr dâm, i hmu theina dingin i mita i nâl ding mitna hlo dâm ka kuoma inchaw dingin ka ngên che.