LUKA 15:4 - Pathien Lekhabu Inthieng (BSI)

⁴ “Nangni lai tûkhawmin berâm za nei sienla, an laia pakhat inhmang ang sienla, thlalêrah sâwmkuo le pakuohai chu mâksanin ân hmang chu a hmu nâwk hmakhat tûin am zawng nâwng a ta?

LUKA 15:4 ပူးပေါင်းရင်းမြစ်များ

INPÂKNA HLABU 119:176

Berâm inhmang angin kân vâkhmang a, i siehlaw hi zawng rawh. I thupêkhai chu ka theinghil ngai si nawh.

ISAI 53:6

Ei rêng hin berâm angin ei invâk hmang a, mâni lampui sengah ei pêt a; LALPA chun ama chunga chun ei rênga khawhlona chu ân nghat tah a.

JEREMIA 33:13

Tlângrama khawpuiahai le, phairuoma khawpuiahai le, Sima khawpuiahai le, Benjamin rama khawpuiahai le, Jerusalem vêl hmun- ahai le, Juda khawpuiahai chun berâm ruolhai chu anni tiemtu kut hnuoiah la tla nâwk an tih, LALPA chun a tih:

JEREMIA 50:6

“Ka mihai chu berâm inhmang- hai an lo ni tah a, an vêngtuhai chun anni chu tlângahai chun inherhmang- tirin, an ṭhuoi hmang a; tlânga in- thawkin muola dâm chun an fe a, an riekna hmun chu an theinghil tah a.

EZEKIEL 34:16

A lo inhmang ta chu zawng ka ta, hnawt hmanga lo um ta khawm chu hung ṭhuoikîr nâwk ka tih; sukthlieka um ta chu tuom ka ta, damnawa um khawm chu sukhrât bawk ka tih; a thâu le a hrât chu suksieng ka ta; anni chu rorêlnain châwm ka tih.

EZEKIEL 34:31

Chun, nangni ka berâmhai, ka hlo petna hmuna berâmhai chu mihriemhai hi in na; chun, kei in Pathien chu ka nih, Lalpa PATHIEN chun a tih,” tiin.

EZEKIEL 34:4

A hrât naw chu in sukhrât nawh a, a na khawm chu in sukdam bawk nawh a; a tliek khawm chu in tuom nawh a, khal hmanga um ta khawm chu in hung ṭhuoi nâwk bawk nawh, ân hmang khawm chu in zawng bawk nawh; amiruokchu, thawluina le, hrohrângsetakin an chungah ro in rêl a.

EZEKIEL 34:8

Lalpa PATHIEN chun, Ka hring zing angin ka berâmhai chu, berâm- puhai an um nawh a, ka berâmpuhai chun ka berâmhai chu an zawng bawk nawh a, berâmpuhai chu anni le anni an inchâwm a, ka berâmhai chu an châwm naw leiin, rama ram- sahai po po bu le an sasehai chu an lo ni ngei chu a ni ta hi;

MATTHAI 12:11

Ama chun an kuomah, “Nangni laia tukhawmin berâm pakhat nei unla, chu chu Châwlniin khurah tla ta ang sienla, tuin am chelin kei dawk nâwng in ta?

LUKA 13:15

Lalpa ruok chun a kuomah, “Nangni vervêkhai, Châwlniin mâni sebâwng amanih, sabengtung ama- nih a bu fâknaa inthawka sûtin, tui dâwn dingin in ṭhuoi dawk seng hlak a ni naw am a nih?

LUKA 15:3

Chuongchun, ama chun an kuomah hi tekhithu hi a hril a;

LUKA 19:10

Bohmanghai zawnga sandam dingin Mihriem Naupa hi a hung a ni hrim a nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:1

Chuleiin, aw mihriem, mi sawi- sêltu tûkhawm ni la, suonlam hrim i nei nawh, mi dang i sâwisêlna ngeia chun nang le nang thiemnaw inchangtir i nih i sawnnaw! nang a sawisêltu ngei khawma, chuong ang thil chu i thaw ve hlak sih a.

1 PETER 2:25

Berâm inhmang anga in in- hmang kha, tu ruok hin chu in thlarau vêngtu le, Hotu kuoma chun in kîr nâwk ta hi.