LUKA 15:22 - Pathien Lekhabu Inthieng (BSI)

²² Nisienlakhawm, a pa chun a suokhai kuomah, ‘Puon ṭha tak kha hung la vat unla, insiltir ro; a kutah kutsebi dâm, a keah kekawk dâm inbuntir ro;

LUKA 15:22 ပူးပေါင်းရင်းမြစ်များ

INṬANNA 41:42

Chun, Pharaoin a kuta inthawkin a hming namna kutsebi chu a phawi a, Josef kutah ân buntir a, puon zai inhmia siem silfênhai ân hâktir bawk a, a rîngah rângkachak khaidiet ân hlîtir a;

ESTHER 3:10

Chun, lal chun a kuta kutsebi chu a lâk a, Judahai hmêlma, Agag mi Hammedatha naupa Haman kuoma chun a pêk tah a.

ESTHER 8:2

Chun, lal chun Hamana in- thawka a lâk, a kutsebi chu a lâk thlâk a, Mordekai kuoma chun a pêk tah a. Chun, Esther chun Haman in chu Mordekai chu ân enkawltir tah a.

INPÂKNA HLABU 132:16

A thiempuhai chu sandamnain inthuom ka ta, A mi inthienghai chu hlimin khêk khêk an tih.

INPÂKNA HLABU 132:9

I thiempuhai chu felnain inthuom sienla, I mi inthienghai chu hlimin khêk raw hai se.

INPÂKNA HLABU 18:33

Ama chun ka ke hi sazukpui ke angin a siem a, Ka hmun insângtakahai a min umtir hlak a.

INPÂKNA HLABU 45:13

Lal in sûnga lal naunu chu a ropui vêl vawng a, A silfên chu rângkachaka ṭiel mawi a nih.

HLAHAI HLA 7:1

Aw lal naunu, I kehai chu hawlrawk kekawk le chun a va mawi de! I maltê mûmhai dâm chu lunghlu ang a nih, Mi themthiemtak kut sinthaw ang chu.

ISAI 61:10

LALPAA chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta sih a.

LUKA 15:21

Chun, a kuomah a naupa chun, ‘Pa, vâna mi chungah le nanga mithmuin thil ka suksuol a; i naupaa inbûk tlâk ka ni ta nawh,’ a ta.

LUKA 15:23

sebâwngte thâu tak kha hung la unla, that ro, hlimtakin fâng ei tiu;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:14

Lalpa Isu Krista chun inthuom lem unla, in tisa inhâwkna puitlin dingin iengkhawm insiem naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:22

chu chu Pathien felna, Isu Krista ringna leia ama awitu taphawt kuoma suklanga um chu a nih; a danglamna hrim a um nawh a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15

Ṭia um nâwk dingin suok nina thlarau in hmu a ni si nawh a; nau nina thlarau in hmu lem a nih; chu thlarau zâra chun, “Abba! (Pa)” tiin ei khêk hlak hi.

GALATI 3:27

Nangni laia Kristaa baptisma chang phawthai kha Krista chun in inthuom ta sih a.

EPHESI 6:15

remna Chanchin Ṭha inbuot- saina chu in kea bunin ngîr ro.

DÂN PAHNINA 33:25

I kalnahai chu thîr le dârsen nîng a ta, I dam sûng poin i hrâtna khawm um zing a tih,” a ta.

THUPUONGSUO 19:8

Puon zai inhmi faitak, vârtak sil phal pêk a nih a, (puon zai inhmi chu mi inthienghai thilthaw fel a ni sih a.)

THUPUONGSUO 2:17

Thlarauin kohranhai kuoma thu a hril hi na nei chun hre raw se. A hnetu taphawt kuom ngeia chun manna thuphmang laia kha pêng ka ta, lung vâr khawm pêng ka tih, chu lung chunga hming thar ziek leh; chu hming chu a changtu chau naw chun tûkhawmin an hriet nawh, a tih,’ tiin.

THUPUONGSUO 3:18

i hung hausak theina dingin rângkachak meia sukthieng dâm, puon i sil theina ding le i saruok zamaw chu ân lang nawna dingin puon vâr dâm, i hmu theina dingin i mita i nâl ding mitna hlo dâm ka kuoma inchaw dingin ka ngên che.

THUPUONGSUO 6:11

Chun, an kuoma chun puon vâr an pêk seng a; chun, an suok chanpuihai le an unauhai, anni ang bawka that dinghai khawm chu an kim hmakhat chun an la châwl hri ding a nih ti an hril a.

THUPUONGSUO 7:9

Chu hnunga chun ka hang en a, chun, ngai ta, mipui nasatak tû- khawm itiem sêng naw, hnam tin laia mi dâm, chi tin laia mi dâm, mi tin laia mi dâm, ṭawng tin laia mi dâm puon vâr sila, tûm kâu chawiin, lalṭhungpha hma le Berâmte hmaa ngîr ka hmuh a;