LUKA 13:35 - Pathien Lekhabu Inthieng (BSI)

³⁵ En ta u, in in chu aruoka mâk- sanpêk cheuin a um tah. Ka hril cheu hi, ‘Lalpa hminga hung chu inpâkin um raw se,’ in ti hmakhat chun, mi hmu nâwk ta naw ti niu,” a ta.

LUKA 13:35 ပူးပေါင်းရင်းမြစ်များ

INPÂKNA HLABU 118:26

LALPA hminga hung chu a hamṭha ie, LALPA ina inthawk hin mal kan sâwm cheu a ni hi.

INPÂKNA HLABU 69:25

An umna chu hung ṭâwp sienla, An puon inahai chun tukhawm um naw raw se.

ISAI 52:7

Tlângahai chanchin ṭha intluna, inremna thu khêkpuia, thil ṭha chanchin ṭha intluna, sandamna thu khêkpuia, Zion kuomah, “I Pathien chu lalah a ṭhung,” tituhai ke chu a va mawi de!

JEREMIA 22:5

Nisienlakhawm, hieng thuhai hi in ngai naw chun, LALPA chun a tih: keima ngei insâlin kân khâm a, hi in hi rausan ni ngei a tih.

JEREMIA 35:17

chuleiin, LALPA, Sipaihai Pathien, Israel Pathien chun hieng hin a tih: Ngai ta u, Juda ram chunga le Jerusalem hluotuhai po po chunga chun, an chunga thil ṭha naw tlung ding ka hril ta kha ka hung intlungtir ding a nih; an kuomah thu ka hril a, an ngai naw leiin, anni chu ka ko a, an mi dawn naw leiin,” tiin.

MIKA 3:12

Chuleiin, Zion chu, nangni lei chun lo anga inlet nîng a ta, Jerusa- lem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

ZEKARIA 14:2

Jerusalem chu do dingin hnam po po chu ka kei khâwm ding a ni sih a; khawpui chu lâk nîng a ta, inhai chu kâpkhumin um an ta, nuhmeihai chu ṭhuoi hmangin um an ta, chun, a khawpui chenve zet chu salah fêng an ta, mi la um sunhai ruok chu khaw- puia inthawka sât thlâk ni naw ni hai.

MATTHAI 21:9

Chun, mipui a hma tienga fe le a zuihai chun, “David naupa kuomah Hosanna! Lalpa hminga hung chu inpâkin um raw se! Achunghnungtaka khin, Hosanna!” tiin an khêk a.

MATTHAI 23:37

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.

LUKA 19:41

Chun, a tlung ding ṭepin, khuo chu a hmuh a, a ṭap nghah a,

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hma- khat chu Jerusalem chu Jentailhai sirdein um a tih.

JOHAN 12:13

tûm kauhai an chawi a, a tuok dingin an va suok a, “Hosanna, Lalpa hminga Israel Lal hung chu inpâkin um raw se,” tiin an khêk a.