LUKA 13:27 - Pathien Lekhabu Inthieng (BSI)

²⁷ Chun, ama chun, ‘Ka hril cheu hi, khâwtienga mi am in ni ka hriet nawh; nangni thil suol thaw po pohai, mi fe hmang san vawng ro,’ la tîng a tih.

LUKA 13:27 ပူးပေါင်းရင်းမြစ်များ

INPÂKNA HLABU 1:6

Lalpa chun mi felhai lampui chu a hriet sih a, Mi rilohai lampui ruok chu bohmang a tih.

INPÂKNA HLABU 101:8

Tûk tin hi rama mi rilohai hi sukbohmang ka ta, LALPA khawpuia inthawk hin thil suksuoltuhai po po sukbohmang dingin.

INPÂKNA HLABU 119:115

Nangni thil ṭha naw thawtu- hai, mi mâksan ro, Ka Pathien thilpêkhai ka vawng ṭhat theina dingin.

INPÂKNA HLABU 125:5

An lampui kâwia pêthai ruok hi chu, LALPA chun thil suksuoltuhai leh ṭhuoi hmang a tih; Israelhai chunga chun thlamuongna um raw se.

INPÂKNA HLABU 28:3

Mi rilohai le thil suksuolhai laia chun, Mi hnûkhmang sa naw rawh. Chuonghai chun an vênghai kuomah inremnna thu an hril hlak a, Nisienlakhawm, an lungrilhaia chun thil suksuolna a um zing sih a.

INPÂKNA HLABU 5:6

Khêl hril hmanghai chu sukbohmang i ta, LALPAIN thisen insuo hmang le hlêm hmang mi chu a tirdak rieu hlak.

INPÂKNA HLABU 6:8

Nangni thil suol thawtuhai po po, mi mâksan vawng ro. LALPA chun ka ṭap ri chu a hriet ta sih a.

HOSEA 9:12

An nauhai hung sukpuitling hai sien khawm, pasal hrim um lo dingin, Insûntir tho tho ka tih; Anih, anni ka nghatsan pha chun, An chung a va rik zuol âwm de!

MATTHAI 25:12

Ama ruok chun, ‘Titakzetin ka hril cheu hi, ka hriet naw cheu a nih,’ a ta, a dawn a.

MATTHAI 25:41

“Chu zoa chun a vawitienga mihai kuoma khawm chun, ‘ṭawng- sephurhai, kumkhuo mei diebol le a tirkohai ta dinga an buotsaia chun mi fe hmangsan ro;

LUKA 13:25

In neitu chu a tho a, kawt a khâr hnung chun, nangnîn tuola ngîrin, ‘Lalpa, kawt mi hawngpêk rawh,’ tia kawtkhâr in hung nawk pha, ama chun, ‘Khâwtieng mi am in na, ka hriet naw cheu,’ tiin dawn a ti cheu.

1 KORINTH 8:3

amiruokchu, mi tûkhawmin Pathien a hmangai chun, chu ngei chu ama ihriet a nih.

GALATI 4:9

Tuta Pathien in hung hriet hnung hin chu — ti nêk hmanin, Pathien mi hriet in hung ni hnung hin chu, ti ding a ni lem — khawvêl A AW B derdêp le teplo mei mei, a suoka um nâwk in inhâwkhai tienga chun, iengtiziea nghakîr nâwk am in na?

2 TIMOTHE 2:19

Nisienlakhawm, Pathien lung- phûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.