LUKA 12:20 - Pathien Lekhabu Inthieng (BSI)

²⁰ Nisienlakhawm, Pathienin a kuomah, ‘Invêt, vawizân hin i thlarau an hni ding che a nih; i thil suksuokhai kha tû ta am ni tâng a ta le?’” a ta.

LUKA 12:20 ပူးပေါင်းရင်းမြစ်များ

ESTHER 5:11

Chuongchun, Haman chun an kuoma chun, a hausaknahai ropuizie dâm, a nauhai tamzie dâm, lalin ama chu ân kaisângtirna thilhai po po dâm, lal siehlawhai le lalhai chunga ama a siechungzie dâm chu a hril tah a.

JOB LEKHABU (THE BOOK OF JOB) 27:8

Pathien ngaisak naw mi chun hlâwkna insiem fâwm hlak sien khawm, Pathienin a thlarau a lâkpêk pha chun ieng am beisei ding a nei leh?

INPÂKNA HLABU 39:6

Mi tin hi hlim angin an lêng takmeu a, An buoi thlâwn takmeu a nih. Ro ân khâwl khâwm hlak a, a hluotu ding a hriet si nawh a.

INPÂKNA HLABU 49:10

Mi varhai khawm an thih a, Mi invêt le mi ngawnghai khawm an bohmang ve veh a, An sum mi danghai an mâksanpêk hlakhai chu an hriet sih a.

INPÂKNA HLABU 73:19

Iengtizieha mitkhapkâr chaua an rêm el am a ni aw! Thil râpthlâktakhaia sukbo- hmang daiin an um ta a ni hi.

INPÂKNA HLABU 78:30

An châk a la re nawh a, An bu chu an bauah a la um a.

THUVARHAI 10:2

Khawhlona rohai chu ienga khawm a hlâwk nawh a, Felna ruok chun thinaa inthawkin a san suok.

THUVARHAI 11:4

Lungsen nia chun hausakna chu a ṭhahnem chuong nawh a, Felna ruok chun thinaa inthawkin a sansuok.

THUVARHAI 13:7

Ama le ama insukhausa a, iengkhawm nei silo a um a, Ama le ama insukpase a, hau- sakna nasatak nei a um bawk.

THUVARHAI 27:1

Zînga dingin nang le nang insuong naw la, Ni chun ieng am a hung suokpui ding ti i hriet si nawh a.

THUVARHAI 28:8

Sum duâmna le hlâwkna dinga a thuomhnaw sukpungtu chun, Mi pase chunga lunginsietna neitu ta dingin a khâwlkhâwm a nih.

ISAI 56:12

“Hung ro khai, uoin lâng ka ta, chuongchun, zuin ei inthun sip ding annâwm; zînga chun vawisûn ang hi ni nâwk a ta, ni ropui nasa deu el nîng a tih,” an ti seng a.

JEREMIA 17:11

Indik loa hausaknahai neitu chu, varung ama awpkêu ni si lo te kei khâwmtu ang chu a nih; a dam sûng la la chun ama chu mâksan an ta, a tâwpa chun ama chu invêt nîng a tih.

AMOS 6:13

nangni iengkhawmlo chunga lâwm a. “Eini hrâtnain a ni nâwm a ni kihai ei lâk?” tituhai.

NAHUM 1:10

Hling bawn anga umin an uoin dâwn chun chie hu hnêp angin um sienla khawm, bupâwl ṭâwl ang ela sukbohmang vawng nîng an tih.

LUKA 11:40

Mi invêthai, a puo tieng siemtu chun a sûng tieng khawm a siem naw am a nih?

1 THESSALONIKA 5:3

“Muongna le himna,” tia an hril lai takin, nuhmei nauhase angin kârloin an chungah bohmangna hung tlung a tih, pumpel naw tawp an tih.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat loa, thil po po lâwm- na dinga mi petu Pathien chunga chun innghat lem dingin kâwk rawh.

1 TIMOTHE 6:7

Khawvêla hin iengkhawm ei lûtpui nawh a, iengkhawm ei suokpui thei bawk nawh.

JAKOB 4:14

zînga chun ieng am a hung um ding in hriet si nawh. In hringna chu ieng am a na? Sûm sâwt nawtê hung inlanga, bo nâwk el hlak ang hi in ni sih a.